រសៀលថ្ងៃនេះ ភ្លៀងខ្លាំងនៅព្រៃនប់ ទឹកជន់លិចរង្វង់មូលវាលរេញ
ខេត្តព្រះសីហនុ ៖ នៅម៉ោងជិត៤រសៀល ថ្ងៃទី២១ ខែសីហា ឆ្នាំ២០២៥ នៅស្រុកព្រៃនប់ ខេត្តព្រះសីហនុ អាកាសធាតុមានភ្លៀងធ្លាក់ខ្លាំងយ៉ាងគំហុក មានរយៈពេលប្រមាណ…
ខេត្តព្រះសីហនុ ៖ នៅម៉ោងជិត៤រសៀល ថ្ងៃទី២១ ខែសីហា ឆ្នាំ២០២៥ នៅស្រុកព្រៃនប់ ខេត្តព្រះសីហនុ អាកាសធាតុមានភ្លៀងធ្លាក់ខ្លាំងយ៉ាងគំហុក មានរយៈពេលប្រមាណ ១ម៉ោង ធ្វើឲ្យតំបន់ប្រជុំជនវាលរេញ ជាពិសេសចំណុចរង្វង់មូលវាលរេញ ផ្លូវបំបែកជា៣ ត្រូវបានជន់លិចដោយជំនន់ទឹកភ្លៀង ធ្វើឲ្យរថយន្តតូចធំ ធ្វើដំណើរបានយឺតៗ ក្រោមការសម្រួលដោយសមត្ថកិច្ច ។
ជាមួយគ្នានេះ លោក អ៊ី ធារិន អភិបាលស្រុកព្រៃនប់ បានមានប្រសាសន៍ថា មូលហេតុ ដែលបណ្តាលឲ្យមានការជន់លិច ជាមួយនឹងអាកាសធាតុមានភ្លៀងធ្លាក់ខ្លាំងយ៉ាងគំហុកនៅចំណុចរង្វង់មូលវាលរេញនេះ គឺកាលពីម្សិលមិញ អាជ្ញាធរ និងមន្ទីរធនធានទឹក បានសម្រេចបិទទ្វារទឹកទំនប់ទឹកប្រៃ ខ្ទប់ឲ្យទឹកតាមវាលស្រែ មានសន្ទូងសំណាបច្រើន ដើម្បីលិចងាប់សត្វដង្កូវក្នុងស្រែ ។ មូលហេតុនេះ ទឹកហូរចុះទៅព្រែកមិនទាន់ ទើបបណ្តាលឲ្យជន់លិច ។
យ៉ាងណា លោកអភិបាលស្រុក បានបញ្ជាក់បន្ថែមថា ភ្លាមៗលោកបានទំនាក់ទំនងទៅមន្ទីរធនធានទឹក ហើយបានបើកទ្វារទឹក ទឹកក៏ចាប់ផ្តើមហូរស្រកបណ្តើរៗហើយ ៕
ចែករំលែកព័តមាននេះ