សហរដ្ឋអាមេរិក ៖ សហរដ្ឋអាមេរិកប្រកាសនាថ្ងៃទី២០សីហា ពីការដាក់ទណ្ឌកម្មថ្មីទៀត លើតុលាការព្រហ្មទណ្ឌអន្តរជាតិCPIដោយចោទប្រកាន់តុលាការនោះថា មាននិន្នាការនយោបាយ ដោយទណ្ឌកម្មលើកនេះសំដៅលើចៅក្រម៤រូបរបស់តុលាការនេះ ក្នុងនោះមានចៅក្រមបារាំងម្នាក់ផង។ សេចក្ដីសម្រេចនោះទទួលការអបអរសាទរពីអីុស្រាអែល តែត្រូវបានបារាំងនិងតុលាការនេះចាត់ទុកជាការវាយប្រហារដ៏កម្រោលមួយ។…
សហរដ្ឋអាមេរិក ៖ សហរដ្ឋអាមេរិកប្រកាសនាថ្ងៃទី២០សីហា ពីការដាក់ទណ្ឌកម្មថ្មីទៀត លើតុលាការព្រហ្មទណ្ឌអន្តរជាតិCPIដោយចោទប្រកាន់តុលាការនោះថា មាននិន្នាការនយោបាយ ដោយទណ្ឌកម្មលើកនេះសំដៅលើចៅក្រម៤រូបរបស់តុលាការនេះ ក្នុងនោះមានចៅក្រមបារាំងម្នាក់ផង។ សេចក្ដីសម្រេចនោះទទួលការអបអរសាទរពីអីុស្រាអែល តែត្រូវបានបារាំងនិងតុលាការនេះចាត់ទុកជាការវាយប្រហារដ៏កម្រោលមួយ។
ទណ្ឌកម្មថ្មីនោះសំដៅលើចៅក្រមកាណាដាលោកKIMBERLY PROST ចៅក្រមបារាំងលោកនីកូឡាស់ហ្គីលលូដែលជាអ្នកទាក់ទិនជាមួយសំណុំរឿងដីកាចាប់ខ្លួន នាយករដ្ឋមន្ត្រីអីុស្រាអែលលោកបេនចាមីននេតាន់យ៉ាហ៊ូ ព្រមទាំងរដ្ឋអាជ្ញារង២រូបរបស់តុលាការនោះលោកស្រីNAZHAT SHAMEEM KHAN ជនជាតិហ្វីដជី និងលោកស្រីMAME MANDIAYE NIANG ជនជាតិសេនេហ្គាល់។ អ្នកទាំងនោះទទួលទណ្ឌកម្មពីបទចូលរួមដោយផ្ទាល់ ក្នុងការខិតខំប្រឹងប្រែងរបស់តុលាការCPI ដើម្បីសើុបអង្កេតនិងចាប់ខ្លួន ឃុំឃាំងឬកាត់ទោសជនជាតិអាមេរិក ឬអីុស្រាអែលដោយគ្មានការស្រុះស្រួលគ្នាជាមួយប្រទេសណាមួយក្នុងចំណោមប្រទេសទាំងនេះ។ នេះបើតាមសេចក្ដីថ្លែងការណ៍មួយរបស់រដ្ឋមន្ត្រីការបរទេសអាមេរិកលោកម៉ារកូរូប៊ីយូ៉ក្នុងសេចក្ដីប្រកាសមួយ។
ទណ្ឌកម្មទាំងនោះបន្ថែមលើទណ្ឌកម្មដែលប្រកាសកាលពីដើមខែមិថុនា ប្រឆាំងចៅក្រម៤រូបទៀតរបស់CPI។ រួចកាលពីខែកុម្ភៈអាមេរិកបានដាក់ទណ្ឌកម្មលើលោកការីមខាន់រដ្ឋអាជ្ញារបស់តុលាការនេះ ដែលជាអ្នកផ្ដួចផ្ដើមគំនិតឲ្យមាននីតិវិធីប្រឆាំងបណ្ដាមេដឹកនាំអីុស្រាអែល។
រដ្ឋមន្ត្រីការបរទេសអាមេរិកលោកមា៉រកូរូប៊ីយូបានបរិហារតុលាការនោះថា មានជំហរនយោបាយដោយគូសបញ្ជាក់ថា ស្ថាប័នមានមូលដ្ឋាននៅក្រុងឡាអេនោះ តំណាងឲ្យការគំរាមកំហែងមួយដល់សន្តិសុខជាតិ ហើយត្រូវបានប្រើជាឧបករណ៍សង្គ្រាមខាងគតិយុត្តិមួយប្រឆាំងសហរដ្ឋអាមេរិកនិងសម្ព័នមិត្តអីុស្រាអែល។
សហរដ្ឋអាមេរិកបដិសេធរាល់នីតិវិធី ដែលសំដៅលើបណ្ដាទាហានអាមេរិកនៅអាហ្វហ្គានីស្ថាន ដែលជាប់សង្ស័យពីបទឧក្រិដ្ឋកម្មសង្គ្រាម ឬក៏ដីកាចាប់ខ្លួននាយករដ្ឋមន្ត្រីអីុស្រាអែល និងអតីតរដ្ឋមន្ត្រីការពារប្រទេសលោកយ៉ូអាវហ្គាឡង់ ជាប់សង្ស័យពីបទឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងមនុស្សជាតិនៅជ្រោយហ្គាហ្សា៕
ចែករំលែកព័តមាននេះ