ខេត្តកោះកុង ៖ នគរបាលការពារព្រំដែនទឹកលេខ២៦៩ ក្នុងខេត្តកោះកុង បានចាប់ទូកដឹកទំនិញមួយគ្រឿងដែលនាំចូលពីប្រទេសថៃមកកាន់ខេត្តកោះកុង ។ប្រតិបត្តិការបង្ក្រាបទូកដឹកទំនិញពីប្រទេសថៃនេះ ជាប្រភេទទំនិញគ្រឿងសមុទ្រ ។ ជាមួយគ្នានេះ ក៏បានចាប់ខ្លួនមនុស្ស២នាក់…
ខេត្តកោះកុង ៖ នគរបាលការពារព្រំដែនទឹកលេខ២៦៩ ក្នុងខេត្តកោះកុង បានចាប់ទូកដឹកទំនិញមួយគ្រឿងដែលនាំចូលពីប្រទេសថៃមកកាន់ខេត្តកោះកុង ។ប្រតិបត្តិការបង្ក្រាបទូកដឹកទំនិញពីប្រទេសថៃនេះ ជាប្រភេទទំនិញគ្រឿងសមុទ្រ ។ ជាមួយគ្នានេះ ក៏បានចាប់ខ្លួនមនុស្ស២នាក់ ក្នុងនោះមានជនជាតិថៃម្នាក់ និងជនជាតិខ្មែរម្នាក់ ដែលសង្សយ័ជាប់ពាក់ព័ន្ធការនាំចូលទំនិញនេះ ដើម្បីបន្តតាមនីតិវិធី ។
មន្ត្រីសមត្ថកិច្ចឲ្យដឹងថា ក្នុងទូកដឹកទំនិញគេចពន្ធពីប្រទេសថៃចូលមកខេត្តកោះកុងនេះ មានដូចជាត្រី បង្គា មឹក ក្តាមថ្មសក ខ្យង និងចាក់ច្រែង ដែលមិនបានបង់ពន្ធគយ ហើយត្រូវបាននគរបាលការពារព្រំដែនទឹកបង្ក្រាបបានភ្លាមៗ អំឡុងពេលប្រុងឡើងទំនិញពីក្នុងទូក កាលពីម៉ោង១០ព្រឹកថ្ងៃទី២០ ខែសីហា ឆ្នាំ២០២៥ ។
លោក ឈិត រតនៈ អភិបាលរងខេត្តកោះកុង ក៏បានឲ្យដឹងនៅម៉ោងជាង៦ល្ងាចថ្ងៃទី២០ ខែសីហា ឆ្នាំ២០២៥ នេះដែរថា ក្រៅពីចាប់ឃាត់ទំនិញគេចពន្ធ សមត្ថកិច្ចក៏ឃាត់បានជនសង្សយ័២នាក់ ៖ទី
១-ឈ្មោះ ឈិត ទុំ ជនជាតិខ្មែរ ។២-ឈ្មោះ ឡន់ ប៉ែង ជនជាតិថៃ រួមនឹងវត្ថុតាង មានទូកកន្ទុយវែង១គ្រឿង និងទំនិញគេចពន្ធនៅចំណុចព្រែកកោះយ៉ ។
បើតាមលោកអភិបាលរងខេត្តបញ្ជាក់បន្ថែមថា ក្រោយពីត្រួតពិនិត្យរួចរាល់ ប្រធានគណៈកម្មការត្រួតពិនិត្យការដឹកជញ្ជូនទំនិញក្នុងភូមិសាស្ត្រខេត្តកោះកុង និងសមត្ថកិច្ចជំនាញប្រគល់ជូនមន្ត្រីសាខាគយ និងរដ្ឋាករខេត្ត បន្តស៊ើបអង្កេតអនុវត្តនីតិវិធី លើទំនិញគេចពន្ធដែលនាំមកពីប្រទេសថៃ ៕
ចែករំលែកព័តមាននេះ