ខេត្តបន្ទាយមានជ័យ ៖ ប្រជាពលរដ្ឋដែលភៀសសឹកនៅសល់៣៦គ្រួសារ បើប្រៀបធៀបកាលពីមុនមានជាង៣ពាន់គ្រួសារ គិតត្រឹមថ្ងៃទី២០ ខែសីហា ឆ្នាំ២០២៥ ស្ថិតនៅខេត្តបន្ទាយមានជ័យ ។ ដោយយោងតាមរបាយការណ៍រដ្ឋបាលខេត្តបន្ទាយមានជ័យ…
ខេត្តបន្ទាយមានជ័យ ៖ ប្រជាពលរដ្ឋដែលភៀសសឹកនៅសល់៣៦គ្រួសារ បើប្រៀបធៀបកាលពីមុនមានជាង៣ពាន់គ្រួសារ គិតត្រឹមថ្ងៃទី២០ ខែសីហា ឆ្នាំ២០២៥ ស្ថិតនៅខេត្តបន្ទាយមានជ័យ ។
ដោយយោងតាមរបាយការណ៍រដ្ឋបាលខេត្តបន្ទាយមានជ័យ រហូតដល់ពេលនេះ ប្រជាពលរដ្ឋដែលនៅតំបន់ភៀសសឹកនៅសល់ចំនួន៣៦គ្រួសារ ស្មើមនុស្សរាយ១៦២នាក់ (ស្រី១០០នាក់ កុមារ១៧នាក់) ដែលកំពុងស្នាក់នៅតំបន់សុវត្ថិភាព បើប្រៀបធៀបកាលពីថ្ងៃទី០៦ ខែសីហា ឆ្នាំ២០២៥ មានជនភៀសសឹកចំនួន៣.៣០១គ្រួសារ ស្មើមនុស្សរាយ១១,៩១២នាក់ ស្រី៦,៣៨៥នាក់កុមារ២,៥៨៤នាក់ ដែលស្នាក់នៅតំបន់សុវត្ថិភាពនិងផ្ទះសាច់ញាតិ២៦កន្លែង ។
គួររំលឹកដែរថា ក្រោយភាគីថៃមានបំណងឈ្លានបូរណភាពទឹកដី និងអធិបតេយ្យភាពកម្ពុជារហូតមានផ្ទុះអាវុធនៅភូមិសាស្គ្រខេត្តឧត្តរមានជ័យ និងខេត្តព្រះវិហារ ។ ដោយឡែក ខេត្តបន្ទាយមានជ័យមិនមានការផ្ទុះអាវុធ តែទាហានសៀមបានរំលោភបំពានអធិបតេយ្យភាពនៅអំឡុងខែសីហា ឆ្នាំ២០២៥ នេះ បានយកលួសបន្លាហ៊ុមព័ទ្ធផ្ទះប្រជាពលរដ្ឋចំនួន១២ខ្នង និងដាក់កង់ឡានបិទផ្លូវ ហើយដាក់កាមេរ៉ាសំដៅមកទឹកដីកម្ពុជា និងហ៊ុមព័ទ្ធបិទបាំងស្បែខ្មៅ ។
ក្រោយទាហានសៀមបានរំលោភអធិបតេយ្យភាព និងបូរណភាពទឹកដីក្នុងចំណុចភូមិសាស្គ្រឃុំអូរបីជាន់ ស្រុកអូរជ្រៅ ដោយទាហានសៀមបានយកលួសបន្លាហ៊ុមព័ទ្ធផ្ទះប្រជាពលរដ្ឋ ហើយបណ្តេញអោយចាកចេញពេលនេះ ពលរដ្ឋចំនួន១២គ្រួសារបានបោះតង់ក្បែររបងលួសបន្លាដែលភាគីទាហានថៃហ៊ុមព័ទ្ធយកផ្ទះ ដើម្បីការពារមិនអោយទាហានសៀមបំផ្លិចបំផ្លាញចោល ។
ចែករំលែកព័តមាននេះ