ខេត្តកោះកុង ៖ កម្លាំងនគរបាលការពារព្រំដេនទឹកលេខ២៦៩ បានចុះប្រតិបត្តិការបង្ក្រាបទូកដឹកទំនិញជាគ្រឿងសមុទ្រ បាន ១ទូក និងចាប់ឃាត់មនុស្ស២នាក់ ប្រគល់ជូនមន្ត្រីគយ បាននិងកំពុងស៊ើបអង្កេតបន្តនីតិវិធីច្បាប់ ។…
ខេត្តកោះកុង ៖ កម្លាំងនគរបាលការពារព្រំដេនទឹកលេខ២៦៩ បានចុះប្រតិបត្តិការបង្ក្រាបទូកដឹកទំនិញជាគ្រឿងសមុទ្រ បាន ១ទូក និងចាប់ឃាត់មនុស្ស២នាក់ ប្រគល់ជូនមន្ត្រីគយ បាននិងកំពុងស៊ើបអង្កេតបន្តនីតិវិធីច្បាប់ ។
ទូកដឹកជញ្ជូន ភាគច្រើនសុទ្ធតែជា ត្រីគោបង្កក មឹង ក្តាមថ្មសក ខ្យង និងចាក់ច្រែង ដែលជាមិនបានបង់ពន្ធគយ ត្រូវបាននគរបាលការពារព្រំដែនទឹក បង្ក្រាបបានភ្លាមៗ អំឡុងពេលប្រុងឡើងទៅគោក កាលពីម៉ោង១០ព្រឹកថ្ងៃទី២០ ខែសីហា ឆ្នាំ២០២៥ ។
លោក ឈិត រតនៈ អភិបាលរងខេត្តកោះកុង បានដឹងនៅម៉ោង៦ល្ងាចថ្ងៃទី២០ សីហានេះថា ក្រៅពីឃាត់ទំនិញគេចពន្ធ សមត្ថកិច្ចក៏ឃាត់បានមនុស្ស២នាក់ រួមមាន ៖ ទី១-ឈ្មោះ ឈិត ទុំ ជនជាតិខ្មែរ និងទី២-ឈ្មោះ ឡន់់ ប៉ែង ជនជាតិថៃ ។
បង្ក្រាបបានវត្ថុតាង ៖ មានទុកកន្ទុយវែង និងម៉ាស៊ីតបាត ១គ្រឿង នៅចំណុចព្រែកកោះយ៉ ។
បើតាមលោកអភិបាលរងខេត្ត ក្រោយពីត្រួតពិនិត្យឃាត់បានរួចរាល់ ប្រធានគណៈកម្មការត្រួតពិនិត្យការដឹកជញ្ជូនទំនិញក្នុងភូមិសាស្ត្រខេត្តកោះកុង និងសមត្ថកិច្ចជំនាញប្រគល់ជូនមន្ត្រីសាខាគយ និងរដ្ឋាករខេត្ត បន្តស៊ើបអង្កេតអនុវត្តនីតិវិធីច្បាប់ទំនិញគេចពន្ធមកពីថៃ ៕
ចែករំលែកព័តមាននេះ