រាជធានីភ្នំពេញ ៖ ដោយអនុវត្តតាមបទបញ្ជារបស់លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ នៅថ្ងៃទី១៧ ខែសីហា ឆ្នាំ២០២៥ វេលាម៉ោង១៨៖៤០នាទី…
រាជធានីភ្នំពេញ ៖ ដោយអនុវត្តតាមបទបញ្ជារបស់លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ នៅថ្ងៃទី១៧ ខែសីហា ឆ្នាំ២០២៥ វេលាម៉ោង១៨៖៤០នាទី លោកឧត្តមសេនីយ៍ត្រី ប៊ុត វណ្ណារដ្ឋ អនុប្រធាននាយកដ្ឋាន បានដឹកនាំកម្លាំងជំនាញធ្វើការឃាត់ខ្លួនជនសង្ស័យចំនួន៣នាក់ ស្ថិតនៅត្រង់ចំណុចផ្លូវរ៉ារទេះភ្លើង ខណ្ឌទួលគោក រាជធានីភ្នំពេញ ពាក់ព័ន្ធនឹងករណីលួច (កាច់កម៉ូតូ) ម៉ាកសង់សេ១២៥ ពណ៌ខ្មៅ ឆ្នាំផលិត២០២៤ នៅថ្ងៃទី១៦ ខែសីហា ឆ្នាំ២០២៥ និងម៉ាកសង់សេ១២៥ ពណ៌ខ្មៅ ឆ្នាំផលិត២០០៨ (ឡើងតែមឆ្នាំ២០១៥) កាលពីថ្ងៃទី១៣ ខែសីហា ឆ្នាំ២០២៥ ស្ថិតក្នុងភូមិសាស្ត្រសង្កាត់ទឹកថ្លា ខណ្ឌសែនសុខ រាជធានីភ្នំពេញ។
ជនសង្ស័យទាំង៣នាក់ រួមមានឈ្មោះ ៖
១-ឈ្មោះ សុខ សូហៃ ហៅ ហៃ ភេទប្រុស អាយុ២៨ឆ្នាំ
២-ឈ្មោះ សុខ ម៉េងឌី ហៅ ឌី ភេទប្រុស អាយុ២២ឆ្នាំ
៣-ឈ្មោះ គឹម មេសា ហៅ ផិន ភេទប្រុស អាយុ៣៥ឆ្នាំ ។
សម្ភារដកហូតមាន ដែកសំប៉ែតមុខស្រួច (សម្រាប់កាច់កម៉ូតូ) ចំនួន១ដើម និងសោរទីបលេខ៨ ចំនួន១ដើម ។
បច្ចុប្បន្នកម្លាំងជំនាញនាំជនសង្ស័យខាងលើយកមកនាយកដ្ឋាន ដើម្បីធ្វើការសាកសួរ និងកសាងសំណុំរឿងតាមនីតិវិធី ៕
ចែករំលែកព័តមាននេះ