រាជធានីភ្នំពេញ ៖ ជនសង្ស័យ៥នាក់ ជាអ្នកប្រើប្រាស់គ្រឿងញៀន ត្រូវអាជ្ញាធរមានសមត្ថកិច្ចច្បារអំពៅទី២ ចាប់ខ្លួន បន្ទាប់ពីចុះធ្វើរដ្ឋបាលនៅតំបន់អនាធិបតេយ្យ ក្នុងភូមិដើមចាន់ ។ ការចុះរៀបចំ…
រាជធានីភ្នំពេញ ៖ ជនសង្ស័យ៥នាក់ ជាអ្នកប្រើប្រាស់គ្រឿងញៀន ត្រូវអាជ្ញាធរមានសមត្ថកិច្ចច្បារអំពៅទី២ ចាប់ខ្លួន បន្ទាប់ពីចុះធ្វើរដ្ឋបាលនៅតំបន់អនាធិបតេយ្យ ក្នុងភូមិដើមចាន់ ។
ការចុះរៀបចំ នឹងធ្វើរដ្ឋបាលនេះ បានធ្វើឡើងកាលពីវេលាម៉ោង ៩ និង៣០នាទីថ្ងៃទី២០ ខែសីហា ឆ្នាំ២០២៥ ចំណុចមុខដីឡូតិ៍គ្មានលេខ ផ្លូវ៣៦៩ ភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ។
ជនសង្ស័យទាំង០៥នាក់ គឺស្នាក់នៅភូមិដើមស្លែង សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ។ ក្នុងនោះមានឈ្មោះ ចាន់ វ៉ង់ឌី ភេទស្រី អាយុ៤១ឆ្នាំ ជនជាតិខ្មែរ មុខរបរមិនពិតប្រាកដ , ឈ្មោះ ព្រំ បារាំង ភេទប្រុស អាយុ៤៩ឆ្នាំ ជនជាតិខ្មែរ មុខរបរមិនពិតប្រាកដ , ឈ្មោះ ជួង ស្រីនួន ភេទស្រី អាយុ២៩ឆ្នាំ ជនជាតិខ្មែរ មុខរបរមិនពិតប្រាកដ , ឈ្មោះ ចាន់ ស៊ីណា ភេទប្រុស អាយុ៤៥ឆ្នាំ ជនជាតិខ្មែរ មុខរបរមិនពិតប្រាកដ , ឈ្មោះ ចាន់ ខេមរា ភេទប្រុស អាយុ៣២ឆ្នាំ ជនជាតិខ្មែរ មុខរបរមិនពិតប្រាកដ ។
លោកវរសេនីយ៍ត្រី អ៊ុ រតនាបានអោយដឹងថា សមត្ថកិច្ចប៉ុស្តិ៍ច្បារអំពៅទី២ បានសហការជាមួយកម្លាំងគណៈបញ្ជាការឯកភាពសង្កាត់ ចុះធ្វើរដ្ឋបាលនៅភូមិដើមចាន់ ជាតំបន់សំណង់អនាធិបតេយ្យ ។ ខណៈពេលកម្លាំងចុះទៅដល់ទីតាំង ត្រូវធ្វើរដ្ឋបាល បានប្រទះឃើញជនសង្ស័យ០៥នាក់ កំពុងអង្គុយប្រមូលផ្តុំគ្នា សមត្ថកិច្ចមានការសង្ស័យ ទើបឃាត់ខ្លួនធ្វើការត្រួតពិនិត្យទឹកនោម រកឃើញថា ជនសង្ស័យទាំង០៥នាក់ សុទ្ធតែមានសារធាតុញៀន ។ ភ្លាមៗ នគរបាលបានបញ្ជូនមកទីស្នាក់ប៉ុស្តិ៍ធ្វើការសាកសួរ ។
ក្រោយកើតហេតុ ជនសង្ស័យទាំង០៥នាក់ ត្រូវនគរបាលបញ្ជូនទៅ អធិការដ្ឋាន នគរបាលខណ្ឌច្បារអំពៅ ដើម្បីចាត់ការតាមច្បាប់ ៕
ចែករំលែកព័តមាននេះ