រាជធានីភ្នំពេញ ៖ អគ្គនាយកស៊ីម៉ាក់កម្ពុជា បានគូសបញ្ជាក់ថាសៀមបានកំពុងខិតខំប្រឌិតកែច្នៃក្រឡៃសត្វដំរីមកជាសត្វស្រមោច និងសត្វស្រមោចទៅជាសត្វដំរី ពាក់ព័ន្ធនឹងគ្រាប់បែក ។ ឯកឧត្តម ហេង រតនា…
រាជធានីភ្នំពេញ ៖ អគ្គនាយកស៊ីម៉ាក់កម្ពុជា បានគូសបញ្ជាក់ថាសៀមបានកំពុងខិតខំប្រឌិតកែច្នៃក្រឡៃសត្វដំរីមកជាសត្វស្រមោច និងសត្វស្រមោចទៅជាសត្វដំរី ពាក់ព័ន្ធនឹងគ្រាប់បែក ។
ឯកឧត្តម ហេង រតនា អគ្គនាយកអង្គភាពស៊ីម៉ាក់ បានសរសេរលើបណ្តាញសង្គម នៅថ្ងៃទី២០ ខែសីហា ឆ្នាំ២០២៥ ថា សំណល់គ្រាប់បែកទម្លាក់ពីយន្តហោះF-16 ប្រភេទMK-84 ទម្ងន់ជិតមួយតោនខិតខំប្រែក្លាយខ្លួនជាជនរងគ្រោះថា កម្ពុជាខូចរកស៊ីលាបពណ៌ថៃ ដោយយកគ្រាប់បែក MK-84 សំណល់សង្គ្រាមឆ្នាំ១៩៧០-១៩៧៣ មកដាក់តាំងបង្ហាញ ប៉ុន្តែជាក់ស្តែងគ្រាប់បែកMK-84 ស្ថិតនៅភូមិថ្មដូន ឃុំគោកមននេះ ផលិតឆ្នាំ១៩៩៦ ហើយគ្រាប់បែកMK-82ទម្លាក់នៅវត្តតាមន្តសែនជ័យ ផលិតនៅឆ្នាំ២០២៣! តើគ្រាប់បែកផលិតនៅឆ្នាំ១៩៩៦ និង២០២៣ អាចជាសំណល់សង្គ្រាមឆ្នាំពី១៩៧០-១៩៧៣កើតដែរឬ? ។
ឯកឧត្តមបានបានឲ្យដឹងថា ទីតាំងគ្រាប់បែកទម្លាក់នេះ នៅសល់៥គ្រាប់ទៀតនៅកប់ដីនៅឡើយ ហើយមនុស្សម្នាលើលោកអាចមកឃើញគ្រាប់បែកទាំងនេះបាន និងអាចចុះមកពិនិត្យបាននៅពេលមន្ត្រីជំនាញ CMAC ដោះបន្សាបនាពេលខាងមុខ ។
ឯកឧត្តម ហេង រតនបានឲ្យដឹងថា ទងទ័ពសៀមបានទម្លាក់គ្រាប់នៅប្រាសាទព្រះវិហារត្រូវរងគ្រោះដោយសារគ្រាប់ផ្លោង១៥៥មម គ្រាប់បែកចង្កោម និងគ្រាប់ជាច្រើនប្រភេទ ហើយនៅពេលឃើញរណ្តៅគ្រាប់ និងការបែកបាក់ប្រាសាទទាំងនោះ ពួកសៀមបែរជាចោទខ្មែរថា រណ្តៅគ្រាប់ទាំងនោះខែ្មររៀបចំជីករណ្តៅបង្ហាញ ដើម្បីលាបពណ៌បង្ខូចឈ្មោះថៃ ហើយថៃជាជនរងគ្រោះទៅវិញ!! ។
ជាមួយគ្នានោះដែរ អគ្គនាយកស៊ីម៉ាក់បានអះអាងថា បញ្ហាគ្រាប់មីន សៀមខិតខំបង្ហាញថា ខ្លួនជាជនរងគ្រោះព្រោះខែ្មរប្រើគ្រាប់មីន PMN-2ថ្មី ក្នុងទឹកដីថៃ! ។ យកទៅដាក់ក្នុងទឹកដីសៀមរបៀបម៉េច0x017d7 បើទឹកដីស្ថិតនៅទល់មុខគ្នានោះជាដីមានជម្លោះ! ។
ជាមួយគ្នានោះដែរ ឯកឧត្តមបានលើកឡើងថា មនុស្សក្នុងពិភពលោកក្នុងយុគសម័យបដិវត្តន៍បច្ចេកវិទ្យាAIនេះ ពិតជាមិនខ្វះប្រាជ្ញាពិចារណាលើបញ្ហានេះទាំងនេះ ដូចជា គ្រាប់បែកMK-82 MK-84 និងគ្រាប់បែកចង្កោម មានប្រភពច្បាស់លាស់ណាស់ទាំងអ្នកផលិត អ្នកលក់ដូរ អ្នកដឹកជញ្ជូន និងអ្នកប្រើប្រាស់! ៕
ចែករំលែកព័តមាននេះ