ខេត្តបន្ទាយមានជ័យ ៖ មានករណីប្រទះឃើញបុរសជាអាជីវករខ្មែរម្នាក់ដេកស្លាប់ក្នុងតូបលក់អីវ៉ាន់ផ្សាររ៉ូងក្លឿ ប្រទេសថៃ មន្ត្រីជំនាញថៃធ្វើកោសលវិច្ឆ័យថា ជនរងគ្រោះស្លាប់ដោយសារជម្ងឺគាំងបេះដូង ។ ហេតុការណ៍ខាងលើនេះបានកើតឡើងកាលពីព្រឹកថ្ងៃទី១៨ ខែសីហា ឆ្នាំ២០២៥…
ខេត្តបន្ទាយមានជ័យ ៖ មានករណីប្រទះឃើញបុរសជាអាជីវករខ្មែរម្នាក់ដេកស្លាប់ក្នុងតូបលក់អីវ៉ាន់ផ្សាររ៉ូងក្លឿ ប្រទេសថៃ មន្ត្រីជំនាញថៃធ្វើកោសលវិច្ឆ័យថា ជនរងគ្រោះស្លាប់ដោយសារជម្ងឺគាំងបេះដូង ។
ហេតុការណ៍ខាងលើនេះបានកើតឡើងកាលពីព្រឹកថ្ងៃទី១៨ ខែសីហា ឆ្នាំ២០២៥ នៅជំនុច(អក្សរ.ច.ចាន៣) ស្រុកអារ័ញ្ញប្រថេត ខេត្តស្រៈកែវ ប្រទេសថៃ ។
មន្ត្រីទំនាក់ទំនងព្រំដែនកម្ពុជា.ថៃបានឱ្យដឹងថា ជនរងគ្រោះភេទប្រុស មានអាយុជាង៤០ឆ្នាំ ស្នាក់នៅលក់ដូរផ្សាររ៉ូងក្លឿ។
មន្ត្រីទំនាក់ទំនងព្រំដែនកម្ពុជា.ថៃបានបញ្ជាក់ថា សពជនរងគ្រោះត្រូវបានដឹកតាមរថយន្តសង្គ្រោះថៃដាក់នៅច្រកខ្លោងលឹកប្រទេសថៃហើយដាក់រទេះអូសតាមច្រកថ្មើជើងចូលមកច្រកទ្វារព្រំដេនអន្តរជាតិប៉ោយប៉ែតដល់អំឡុងម៉ោង២រសៀល ហើយមន្ត្រីនិងសមត្តកិច្ចជំនាញប្រចាំការច្រកទ្វារអន្តរជាតិប៉ោយប៉ែត ពិនិត្យនិងធ្វើកោសលវិច្ឆ័យហើយជនរងគ្រោះស្លាប់គាំងបេះដូងនិងមានជម្ងឺលើសឈាម ។ ក្រោយពិនិត្យហើយរថយន្តពេទ្យប្រចាំការបានដឹកជញ្ជូនសាកសពទៅលំនៅដ្ឋានដើម្បីធ្វើបុណ្យតាមប្រពៃណីយក្រុងប៉ោយប៉ែត។
មន្ត្រីទំនាក់ទំនងបានបញ្ជាក់ថា តាមប្រភពពីសាច់ញាតិជនរងគ្រោះបានអោយដឹងថា ជនរងគ្រោះបានដេក និងលក់អីវ៉ាន់នៅផ្សាររ៉ូងក្លឿប្រទេសថៃ ហើយនៅព្រឹកថ្ងៃកើតហេតុ បងប្អូនជិតខាងមិនឃើញបើកតូបលក់ ដែលខុសរាល់ដង ទើបអ្នកលក់ជិតខាងបាននាំគ្នាគាស់ទ្វារតូបបើកមើ ឃើញជនរងគ្រោះបានដេកស្លាប់ក្នុងម៉ុងនៅតូបលក់អីវ៉ាន់តែម្តង ។
តាមប្រភពដដែលបានបន្តថា ក្រោយប្រទះឃើញបែបនេះ អ្នកជិតខាងក៏បានទំនាក់ទៅមន្ត្រីជំនាញថៃចុះមកពិនិត្យមើលនិងធ្វើកោសលវិច្ឆ័យ និងបញ្ជាក់ថា ស្លាប់ដោយជម្ងឺគាំបេះដូងដោយសារមានជម្ងឺលើសឈាម ។
ក្រោយពិនិត្យរួច សាកសពជនរងគ្រោះត្រូវបានមន្ត្រីជំនាញថៃរៀបចំដាក់ក្តារមឈូសដឹកតាមរថយន្តមកដាក់ច្រកខ្លោងលឹកថៃហើយអូសតាមរទេះច្រកថ្មើជើងចូលច្រកទ្វារព្រំដែនអន្តរជាតិប៉ោយប៉ែតនិងមានរថយន្តសង្គ្រោះដឹកបន្តទៅលំនៅដ្ឋានប្រគល់ជូនសាច់ញាតិមកទទួលធ្វើបុណ្យតាមប្រពៃណី៕
ចែករំលែកព័តមាននេះ