រាជធានីភ្នំពេញ ៖ បុរសម្នាក់ក្នុងចំណោមគ្នីគ្នា៥នាក់បាននាំគ្នាចុះទៅរកត្រីក្នុងដីស្រែជ្រៅមួយកន្លែង បណ្ដាលឲ្យលង់បាត់ខ្លួនម្នាក់រកមនុស្សមិនទាន់ឃើញ បង្កឲ្យមានការភ្ញាក់ផ្អើលកាលពីវេលា៤និង៣០នាទីល្ងាចថ្ងៃទី១៧ សីហា ឆ្នាំ២០២៥ នៅចំនុចស្រែជម្រៅមួយកន្លែង សង្កាត់ព្រៃស ខណ្ឌដង្កោ…
រាជធានីភ្នំពេញ ៖ បុរសម្នាក់ក្នុងចំណោមគ្នីគ្នា៥នាក់បាននាំគ្នាចុះទៅរកត្រីក្នុងដីស្រែជ្រៅមួយកន្លែង បណ្ដាលឲ្យលង់បាត់ខ្លួនម្នាក់រកមនុស្សមិនទាន់ឃើញ បង្កឲ្យមានការភ្ញាក់ផ្អើលកាលពីវេលា៤និង៣០នាទីល្ងាចថ្ងៃទី១៧ សីហា ឆ្នាំ២០២៥ នៅចំនុចស្រែជម្រៅមួយកន្លែង សង្កាត់ព្រៃស ខណ្ឌដង្កោ រាជធានីភ្នំពេញ ។
ជនរងគ្រោះដែរបាត់ខ្លួនមានឈ្មោះ ធី ធាយ ភេទប្រុស អាយុ២២ឆ្នាំ មុខរបរកម្មកររោងចក្រ ស្នាក់នៅផ្ទះជួលម្តុំវត្តហា សង្កាត់ស្ពានថ្ម ខណ្ឌដង្កោ មានស្រុកកំណើត ភូមិស្ពឺ (ខ) ឃុំចានរ៉ា(ក)ស្រុកបាភ្នំ ខេត្តព្រៃវែង ។
ប្រភពព័ត៌មានពីសាច់ញាតិជនរងគ្រោះបានអោយដឹងថា មុនពេលកើតហេតុ បន្ទាប់ពីចប់ការងារនៅវេលាម៉ោង៤ល្ងាច ជនរងគ្រោះជាមួយនិងមិត្តភក្តិប្រុស៤នាក់ទៀត បាននាំគ្នាមកនេសាទត្រីនៅចំនុចទៅស្រែជម្រៅខាងលើ ដើម្បីយកត្រីមកទទួលទាន លុះពេលមកដល់ បុរស៣នាក់រួមទាំងជនរងគ្រោះបានចុះទៅក្នុងទឹក ចុះនែកបុរស២នាក់ទៀតអង្គុយចាំមើល នៅលើគោក ។ ខណៈពេលដែលអ្នកទាំង៣បានហែលទៅដល់កន្លែងកើតហេតុ ដែលជាកន្លែងជ្រៅ ដើម្បីរកត្រី ក៍ស្រាប់តែបុរសជាជនរងគ្រោះ បានផុតដៃផុតជើងស្រែកអោយគេជួយដែរ តែពេលនោះមិត្តភ័ក្តិដែលទៅជាមួយគ្នាមិនហ៊ានជួយ បានហែលយកតែរួចខ្លួនឡើងមកលើគោកតែប៉ុណ្ណោះ ។
បន្ទាប់ពីដឹងថាជនរងគ្រោះលង់ទឹកហើយ ក្រុមមិត្តភក្តិបានរាយការណ៍ជូនដំណឹងដល់អ្នកផ្ទះ ហើយអ្នកផ្ទះបានត្រឹមតែផ្តល់ដំណឹងបន្តជូនសមត្ថកិច្ចមូលដ្ឋានដើម្បីអោយជួយអន្តរាគមន៍ផងដែរ ។
ក្នុងហេតុការណ៍ខាងលើនេះដែរ សមត្ថកិច្ចមូលដ្ឋានបានចុះទៅដល់កន្លែងកើតហេតុ និងបានណែនាំឲ្យសាច់ញាតិទាក់ទងហៅជំនាញ ៩១១ ដើម្បីជួយរាវរកជនរងគ្រោះផងដែរ ។ ដោយសារតែមេឃងងឹតយប់ មិនអាចធ្វើអ្វីបាន ទើបសាច់ញាតិបានត្រឹមរងចាំព្រឹកឡើង ទាក់ទងផ្នែកជំនាញអោយជួយរុករកបន្ថែមទៀតផងដែរ ៕
ចែករំលែកព័តមាននេះ