រាជធានីភ្នំពេញ ៖ ស្ត្រីទី១កម្ពុជា លោកជំទាវបណ្ឌិត ពេជ ចន្ទមុន្នី បានបង្ហោះសារដាស់តឿនដល់សិស្សានុសិស្សដែលត្រៀមប្រឡងថ្នាក់ទី១២ ឱ្យខិតខំរៀនឲ្យចេះ ប្រលងឲ្យជាប់ដើម្បីបន្តការសិក្សាទៅមុខទៀតឲ្យបានខ្ពស់ ។…
រាជធានីភ្នំពេញ ៖ ស្ត្រីទី១កម្ពុជា លោកជំទាវបណ្ឌិត ពេជ ចន្ទមុន្នី បានបង្ហោះសារដាស់តឿនដល់សិស្សានុសិស្សដែលត្រៀមប្រឡងថ្នាក់ទី១២ ឱ្យខិតខំរៀនឲ្យចេះ ប្រលងឲ្យជាប់ដើម្បីបន្តការសិក្សាទៅមុខទៀតឲ្យបានខ្ពស់ ។
លោកជំទាវបណ្ឌិត ពេជ ចន្ទមុន្នី បានបង្ហោះសារនៅលើបណ្តាញសង្គមហ្វេសប៊ុកនាមុននេះបន្តិចថា ៖ ជូនដល់ក្មួយៗដែលត្រៀមប្រលងបាក់ឌុបនាពេលខាងមុខនេះ : ពេលវេលានៃការប្រលងកាន់តែខិតជិតមកដល់ ក្មួយៗត្រូវចាំថា ភារកិច្ចក្មួយៗនៅពេលនេះ គឺត្រូវខិតខំប្រឹងប្រែងរៀនឲ្យចេះ ប្រលងឲ្យជាប់ដើម្បីបន្តការសិក្សាទៅមុខទៀតឲ្យបានខ្ពស់ បើសិនជាក្មួយៗចង់ជួយដល់ប្រទេសជាតិយើងអោយខ្លាំង ។
លោកជំទាវបណ្ឌិត ពេជ ចន្ទមុន្នី បានបញ្ជាក់បន្ថែមថា ព្រោះប្រទេសយើងរីកចំម្រើននបានដោយសារយើង មានធនធានមនុស្សដែលពូកែ ។
ជាចុងក្រោយ ស្ត្រីទី១របស់កម្ពុជា បានបន្តថា សូមជូនពរដល់ក្មួយៗទាំងអស់ទទួលបានជោគជ័យក្នុងការប្រលងនាពេលខាងមុខនេះ ៕
ចែករំលែកព័តមាននេះ