ខេត្តកំពង់ឆ្នាំង ៖ បើទោះរដូវនេះ ជារដូវបិទនេសាទយ៉ាងណាក្តី ក៏បទល្មើសនេសាទនៅតែលួចមានកើតមានឡើងនៅតាមតំបន់មួយចំនួន ។ ជាក់ស្ដែង នៅថ្ងៃទី១៥ ខែសីហា ឆ្នាំ២០២៥…
ខេត្តកំពង់ឆ្នាំង ៖ បើទោះរដូវនេះ ជារដូវបិទនេសាទយ៉ាងណាក្តី ក៏បទល្មើសនេសាទនៅតែលួចមានកើតមានឡើងនៅតាមតំបន់មួយចំនួន ។
ជាក់ស្ដែង នៅថ្ងៃទី១៥ ខែសីហា ឆ្នាំ២០២៥ នេះ សមត្ថកិច្ចជំនាញខណ្ឌរដ្ឋបាលបាលជលផលកំពង់ឆ្នាំង សហការជាមួយអធិការដ្ឋានរដ្ឋបាលជលផលខាងត្បូងបឹងទន្លេសាប និងសហគមន៍នេសាទភូមិថ្មី ភូមិកៀនតាម៉ា ដឹកនាំដោយលោក ប៉ែន ផល្លិកា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ចុះប្រតិបត្តិការបង្ក្រាប បទល្មើស នេសាទនៅចំណុចបឹង វាលសំណាប ក្រោយភូមិឃុំពាមឆ្កោក ស្រុកជលគិរី ខេត្តកំពង់ឆ្នាំង ដែលជាបទល្មើស ធ្វើការនេសាទដោយប្រើឧបករណ៍ លបលូ និង របាំងស្បៃមុង ដែលខុសទៅនិងច្បាប់ស្តីពីជលផល ។
សមត្ថកិច្ចបានឯកភាពគ្នារុះរើនិងបំផ្លាញចោលវត្ថុតាងដែលជាឩបករណ៍ខុសច្បាប់ស្តីពីជលផលនៅហ្នឹងកន្លែង។លោក លី ឡា នាយខណ្ឌរដ្ឋបាលជលកំពង់ឆ្នាំងបញ្ជាក់អោយដឹងថា ចំពោះប្រតិបត្តិការនេះ ជាលទ្ធផលរុះរើ និងបំផ្លាញចោលរបាំងស្បៃមុងចំនួន១៦កន្លែង ប្រវែង៨៤០ម៉ែត្រ /លប លូ ស្បៃមុងចំនួន១៦គ្រឿង បង្គោលចំនួន៤៨០ដើម និងចាក់លែងត្រីល្អិតចម្រុះចូលដែននេសាទវិញចំនួន២០០គីឡូក្រាម។
គួរបញ្ជាក់ថា កិច្ចការងារនេះ មានកម្លាំងចូលរួមសរុបចំនួន១៦នាក់ និងប្រើប្រាស់មធ្យោបាយបាឡាស្មាច់ចំនួន៤គ្រឿង ៕
ចែករំលែកព័តមាននេះ