ខេត្តព្រះវិហារ ៖ ដឹងការពិតហើយ ចំពោះក្លិនថ្នាំដែលសាយភាយ កាលពីយប់ថ្ងៃទី១៣ ខែសីហា ឆ្នាំ២០២៥នេះ តាមពិតជាក្លិនថ្នាំកសិកម្ម ដែលប្រជាពលរដ្ឋក្បែរនោះបានបាញ់ទៅលើដំណាំស្រូវ ដើម្បីការពារពីសត្វល្អិត…
ខេត្តព្រះវិហារ ៖ ដឹងការពិតហើយ ចំពោះក្លិនថ្នាំដែលសាយភាយ កាលពីយប់ថ្ងៃទី១៣ ខែសីហា ឆ្នាំ២០២៥នេះ តាមពិតជាក្លិនថ្នាំកសិកម្ម ដែលប្រជាពលរដ្ឋក្បែរនោះបានបាញ់ទៅលើដំណាំស្រូវ ដើម្បីការពារពីសត្វល្អិត ។
បើយោងតាមវីដេអូរបស់មន្ទីរព័ត៌មាន ខេត្តព្រះវិហារ បានផ្សាយនាព្រឹកថ្ងៃទី១៥ ខែសីហានេះថា ៖ សូមបញ្ជាក់ជូនសាធារណជនឱ្យបានជ្រាបថា ក្លិនថ្នាំដែលសាយភាយ កាលពីយប់ថ្ងៃទី១៣ ខែសីហា នៅមណ្ឌលសុវត្ថិភាពវត្តពោធិ៍ ៥០០០ដើម គឺជាក្លិនថ្នាំកសិកម្ម ដែលប្រជាពលរដ្ឋក្បែរនោះ បានបាញ់ទៅលើដំណាំស្រូវដើម្បីការពារពីសត្វល្អិត ខណ:ថ្នាំនេះ មិនបង្កគ្រោះថ្នាក់ ឬប៉ះពាល់ដល់សុខភាពឡើយ ។
នេះបើតាមការអះអាងពីលោក យេន យ៉ាត ជាកសិករ ដែលបានប្រើប្រាស់ និងបាញ់ថ្នាំទាំងនេះលើដំណាំស្រូវរបស់លោក ដែលនៅមិនឆ្ងាយពីមណ្ឌលសុវត្ថិភាពវត្តពោធិ៍៥០០០ដើម ស្ថិតនៅឃុំគូលែនត្បូង ស្រុកគូលែន ៕
ចែករំលែកព័តមាននេះ