លោកហេង រតនា ជួបពិភាក្សាការងារសកម្មភាពមីនជាមួយគណៈគ្រប់គ្រងប្រតិបត្តិការអង្គការជំនួយប្រជាជនន័រវេស (NPA) ប្រចាំនៅអូស្លូរ
លោកហេង រតនា អគ្គនាយក CMACកម្ពុជា បានប្រកាសនៅថ្ងៃទី១១ ខែកញ្ញា ឆ្នាំ២០២៥ នេះថា ៖ នៅថ្ងៃទី១១…
លោកហេង រតនា អគ្គនាយក CMACកម្ពុជា បានប្រកាសនៅថ្ងៃទី១១ ខែកញ្ញា ឆ្នាំ២០២៥ នេះថា ៖ នៅថ្ងៃទី១១ ខែកញ្ញា ឆ្នាំ២០២៥ ខ្ញុំបានទទួលជួបពិភាក្សាការងារសកម្មភាពមីន ជាមួយគណៈគ្រប់គ្រងប្រតិបត្តិការអង្គការជំនួយប្រជាជនន័រវេស (NPA) ប្រចាំនៅអូស្លូរ និងជាមិត្តភក្តិដ៍ចំណាស់ៗរបស់ខ្ញុំ និងវិស័យសកម្មភាពមីនទាំងអស់នៅកម្ពុជា និងអន្តរជាតិ ។
លោក ហេង រតនា បានបញ្ជាក់ថា ៖ ក្រុមគាត់បានដឹកនាំរៀបចំសិក្ខាសាលាប្រចាំឆ្នាំរបស់ខ្លួន ជាមួយអង្គភាពCMAC នៅកម្ពុជា ដោយមាននាយកគ្រប់គ្រង និងបុគ្គលិកជាន់ខ្ពស់ប្រតិបត្តិការ NPA សរុបប្រមាណ២៥នាក់ មកពីប្រទេសនានាក្នុងសកលលោកនេះ រួមមានមកប្រទេស អង់ហ្គោឡា បូស្នៀ និងហឺហ្សេហ្គោវីណា អ៊ីរ៉ាក់ កូសូវ៉ូ ឡាវ លីបង់ ន័រវេស ប៉ាឡៅ ប៉ាឡេស្ទីន ស៊ីរី តាជីគីស្ថាន អ៊ុយក្រែន យេម៉ែន ហ្ស៊ីមបាវ៉េ និងពិសេសមន្ត្រីជំនាញ NPA ម្ចាស់ផ្ទះនៅកម្ពុជា ។
សិក្ខាសាលានេះក៏មានដំណើរទស្សនកិច្ច ទៅវិទ្យាស្ថានបច្ចេកទេសសកម្មភាពកម្ចាត់មីន នៅខេត្តកំពង់ឆ្នាំង ដែលគោលបំណងនៃដំណើរទស្សនកិច្ចនៅថ្ងៃនេះ គឺដើម្បីឱ្យអ្នកចូលរួមបានស្វែងយល់បន្ថែមទៀតពីការបង្ហាញពីបច្ចេកវិទ្យាសកម្មភាពកំចាត់មីនក្នុងន័យ ដើម្បីចែករំលែកចំណេះដឹង និងបទពិសោធន៍នៃឧបករណ៍ និងវិធីសាស្ត្រថ្មីៗនៃសកម្មភាពកំចាត់មីន ប្រកបដោយភាពច្នៃប្រឌិត ជាមួយបុគ្គលិកប្រតិបត្តិជាន់ខ្ពស់របស់ អ៊ិនភីអេ (NPA) ក៏ដូចជា ការស្វែងយល់ពីវិធីសាស្ត្រថ្មីៗដែលអង្គភាពស៊ីម៉ាក់កំពុងអនុវត្ត និងទទួលបានចំណេះដឹងបន្ថែមសម្រាប់ការងារនៅក្នុងប្រទេសដែលពួកគេកំពុងបំពេញភារកិច្ច ៕
ចែករំលែកព័តមាននេះ