ខេត្តបន្ទាយមានជ័យ ៖ ប្រជាពលរដ្ឋដែលត្រូវបានទាហានថៃព័ទ្ធលួសបន្លាហ៊ុមយកផ្ទះបានសម្រក់ទឹកភ្នែកសំពះសុំជួយរកយុត្តិធម៌នៅពេលក្រុមអ្នកសង្កេតការណ៍អន្តរកាល៧ប្រទេសចុះពិនិត្យជាក់ស្តែងនៅថ្ងៃទី១៤ សីហា ឆ្នាំ២០២៥ នៅភូមិសាស្គ្រខេត្តបន្ទាយមានជ័យ។ ក្នុងឱកាសចុះពិនិត្យមានឯកឧត្តម អ៊ុំ រាត្រី អភិបាលខេត្តបន្ទាយមានជ័យ…
ខេត្តបន្ទាយមានជ័យ ៖ ប្រជាពលរដ្ឋដែលត្រូវបានទាហានថៃព័ទ្ធលួសបន្លាហ៊ុមយកផ្ទះបានសម្រក់ទឹកភ្នែកសំពះសុំជួយរកយុត្តិធម៌នៅពេលក្រុមអ្នកសង្កេតការណ៍អន្តរកាល៧ប្រទេសចុះពិនិត្យជាក់ស្តែងនៅថ្ងៃទី១៤ សីហា ឆ្នាំ២០២៥ នៅភូមិសាស្គ្រខេត្តបន្ទាយមានជ័យ។
ក្នុងឱកាសចុះពិនិត្យមានឯកឧត្តម អ៊ុំ រាត្រី អភិបាលខេត្តបន្ទាយមានជ័យ លោកឧត្តមសេនីយ៍ទោ សេង ធារិន មេបញ្ជាការរង នាយសេនាធិការយោធភូមិភាគទី៥និងក្រុមអ្នកសង្កេតការរណ៍អន្តរកាល(IOT)មកពី៧ប្រទេសដែលដឹកនាំដោយអនុព័ន្ធយោធាម៉ាឡេស៊ី ឡាវ មីយ៉ាន់ម៉ា ប្រ៊ុយណេ ឥណ្ឌូនេស៊ី ពីលីពីន វៀតណាមនិងកម្លាំងយោធភូមិភាគទី៥និងអាជ្ញាធរខេត្តបន្ទាយមានជ័យ។
ក្រុមអ្នកសង្កេតការណ៍ទាំង៧ប្រទេសត្រូវបានចុះពិនិត្យស្ថានភាពព្រំដែនជាក់ស្តែងក្នុងភូមិសាស្គ្រខេត្តបន្ទាយមានជ័យមាន១.ច្រកតំបន់បឹងត្រកួនស្ថិតស្រុកថ្មពួក ២.ច្រកតំបន់៥ស្ថិតភូមិព្រៃចាន់ ឃុំអូរបីជាន់ស្រុកអូរជ្រៅ ៣.ច្រកណង់ចាន់ស្ថិតភូមិជោគជ័យ ឃុំអូរបីជាន់ ស្រុកអូរជ្រៅ ៤.ច្រកទ្វារព្រំដែនអន្តរជាតិប៉ោយប៉ែត ក្រុងប៉ោយប៉ែត ៥.ច្រកក្រោយអគារថ្មីស្ថិតភូមិ.សង្កាត់អូរជ្រៅ ក្រុងប៉ោយប៉ែត។
ក្រុមអ្នកសង្កេតការណ៍អន្តរកាល(IOT)ចុះទៅពិនិត្យជាក់ស្តែងនៅច្រកតំបន់៥និងច្រកណង់ចាន់ស្ថិតភូមិសាស្គ្រឃុំអូរបីជាន់ ស្រុកអូរជ្រៅ ឃើញប្រជាពលរដ្ឋដែលត្រូវទាហានថៃឯកសណ្ឋានប៉ារ៉ាប្រដាប់ដោយអាវុធគ្រប់ដៃបានដាក់លួសបន្លានិងកង់ឡានបិទផ្លូវហ៊ុមព័ទ្ធផ្ទៈប្រជាពលរដ្ឋចំនួន៦ខ្នង ក្នុងនោះមានច្រកតំបន់៥ចំនួន៣ខ្នងផ្ទៈ ច្រកណង់ចាន់ចំនួន៣ខ្នងផ្ទៈ បាននាំគ្នាសម្រក់ទឹកភ្នែកសុំអោយក្រុមអ្នកសង្កេតការណ៍ទាំង៧ប្រទេសដែលជាអនុព័ទ្ធយោធាមាននិវេសន្នដ្ឋានក្នុងនិងក្រៅប្រទេសកម្ពុជា ជួយរកយុត្តិធម៌ដល់ពួកគាត់ដែលត្រូវបានទាហានថៃហំព័ទ្ធយកផ្ទៈចំនួន៦ខ្នងគ្មានផ្ទៈរស់នៅហើយបង្កអោយប្រជាពលរដ្ឋមានការភ័យខ្លាចយ៉ាងខ្លាំង ដោយមានការឈ្លានពានអធិបតេយ្យភាពកម្ពុជា ពីពួកទាហានសៀម ។
ព័ត៌មានពិស្តារមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ