រាជធានីភ្នំពេញ ៖ មានករណីអគ្គីភ័យឆាបឆេះផ្ទះប៉ះកង់រថយន្តមួយកន្លែងយ៉ាងសន្ធោសន្ធៅ បន្ទាប់ពីម្ចាស់ផ្ទះដុតសំរាម រួចចូលទៅដេកក្នុងផ្ទះ ធ្វើឲ្យឆេះរាលដាលដល់កង់រថយន្ត បង្កការភ្ញាក់ផ្អើលដល់សមត្ថកិច្ចចេញរថយន្តពន្លត់អគ្គិភ័យមកជួយអន្តរាគមន៍កាលពីវេលាម៉ោង៩និង៣០នាទីយប់ថ្ងៃទី ១៤ សីហាឆ្នាំ ២០២៥…
រាជធានីភ្នំពេញ ៖ មានករណីអគ្គីភ័យឆាបឆេះផ្ទះប៉ះកង់រថយន្តមួយកន្លែងយ៉ាងសន្ធោសន្ធៅ បន្ទាប់ពីម្ចាស់ផ្ទះដុតសំរាម រួចចូលទៅដេកក្នុងផ្ទះ ធ្វើឲ្យឆេះរាលដាលដល់កង់រថយន្ត បង្កការភ្ញាក់ផ្អើលដល់សមត្ថកិច្ចចេញរថយន្តពន្លត់អគ្គិភ័យមកជួយអន្តរាគមន៍កាលពីវេលាម៉ោង៩និង៣០នាទីយប់ថ្ងៃទី ១៤ សីហាឆ្នាំ ២០២៥ នៅលើផ្លូវក្រវ៉ាត់ក្រុងទី៣ សង្កាត់ប្រទះឡាង ខណ្ឌ
កំបូល រាជធានីភ្នំពេញ ។
តាមការបញ្ជាក់ពីបុរសជាម្ចាស់ផ្ទះបានឲ្យដឹងថា នៅមុនពេលកើតហេតុ រូបគាត់បានទៅដុតសំរាមចោលនៅក្បែរកង់ឡាន រួចគាត់ក៏ចូលទៅសម្រាកនៅខាងក្នុងផ្ទះ ក្រោយមកស្រាប់តែអណ្តាតភ្លើងឆេះរាលដាលខ្លាំងទៅៗ ហើយបន្តឆេះរាលដាលទៅលើកង់រថយន្តនៅក្បែរនោះយ៉ាងសន្ធោសន្ធៅ ។ ពេលនោះដែរក៏មានបងប្អូប្រជាពលរដ្ឋនៅក្បែឃើញហេតុការណ៍ខាងលើក៏រត់ទៅស្រែកហៅម្ចាស់ផ្ទះរួចទាក់ទងទៅសមត្ថកិច្ចមូលដ្ឋានឲ្យសុំរថយន្តពន្លត់អគ្គិភ័យមកជួយអន្តរាគមន៍បាញ់ពន្លត់បន្ទាន់ ។
បន្ទាប់មកសមត្ថកិច្ចបានទាក់ទងទៅខាងកម្លាំងសមត្ថកិច្ចជំនាញបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានចេញរថយន្តពន្លត់អគ្គិភ័យទៅជួយអន្តរាគមន៍ជាច្រើនគ្រឿងមកជួយបាញ់ពន្លត់ភ្លាមៗផងដែរ។
ក្រោយពន្លត់ចប់ឃើញថា កម្លាំងសមត្ថកិច្ចជំនាញបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានប្រើប្រាស់រថយន្តទឹកអស់ជាច្រើនគ្រឿងទើបរលត់ទៅវិញជាស្ថាពរ ក្នុងនោះដែរមិនមានអ្នកស្លាប់និងរបួសនោះទេ គឺខូចខាតតែសម្ភារះមួយចំនួនតែប៉ណ្ណោះ ចំណែកបុរសជាម្ចាស់ផ្ទះ សមត្ថកិច្ចឃាត់យកទៅសួរនាំបន្ត ៕
ចែករំលែកព័តមាននេះ