រាជធានីភ្នំពេញ ៖ វីរកងទ័ព ខែម សុភាន់ ភេទប្រុស អាយុ៣៣ឆ្នាំ ជាកងទ័ពនៅសមរភូមិជួរមុខនៃកងពលតូចអន្តរាគមន៍លេខ១ បានទទួលគ្រោះថ្នាក់ត្រូវរបួសដោយគ្រាប់កាំភ្លើ.ងចំថ្លើម យ៉ាងធ្ងន់ធ្ងរ…
រាជធានីភ្នំពេញ ៖ វីរកងទ័ព ខែម សុភាន់ ភេទប្រុស អាយុ៣៣ឆ្នាំ ជាកងទ័ពនៅសមរភូមិជួរមុខនៃកងពលតូចអន្តរាគមន៍លេខ១ បានទទួលគ្រោះថ្នាក់ត្រូវរបួសដោយគ្រាប់កាំភ្លើ.ងចំថ្លើម យ៉ាងធ្ងន់ធ្ងរ កាលពីថ្ងៃទី២៥ ខែកក្កដា ឆ្នាំ២០២៥ ត្រូវបានជួយសង្គ្រោះដោយជោគជ័យ ។ នេះបើយោងតាមគ្រូពេទ្យស្ម័គ្រចិត្តយុវជនសម្តេចតេជោបានផ្សាយនាមុននេះ ។
គ្រូពេទ្យស្ម័គ្រចិត្តយុវជនសម្តេចតេជោ បានបញ្ជាក់ថា ដោយមានការយកចិត្តទុកដាក់ដ៏ខ្ពង់ខ្ពស់ពីសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី បានអនុញ្ញាតអោយក្រុមការងារគ្រូពេទ្យស្ម័គ្រចិត្តរបស់សម្តេចបវរធិបតី ព្រមទាំងលោកជំទាវបណ្ឌិត ក្នុងនាមសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) នាំយកអ្នកជំងឺឈ្មោះ ខែម សុភាន់ បញ្ជូនពីមន្ទីរពេទ្យបង្អែកខេត្តព្រះវិហារមកទទួលការព្យាបាលបន្តនៅមន្ទីរពេទ្យមិត្តភាពកម្ពុជា-ចិនព្រះកុសុមៈ កាលពីថ្ងៃទី១ ខែសីហា ឆ្នាំ២០២៥ ។
ក្រុមគ្រូពេទ្យជំនាញបានធ្វើការវះកាត់ជួយសង្គ្រោះអ្នកជំងឺយ៉ាងយកចិត្តទុកដាក់ប្រកបដោយជោគជ័យ ។ អ្នកជំងឺគាត់បានធូរស្រាលចេញពីមន្ទីរពេទ្យហើយនៅពេលនេះ ។
ជាមួយគ្នានោះដែរ រាល់ការចំណាយទាំងអស់ ក្នុងការព្យាបាល ថ្លៃអាហារប្រចាំថ្ងៃ និងថ្លៃធ្វើដំណើរ ត្រូវបានទំនុកបម្រុងដោយសម្តេចមហាបវរធិបតី ហ៊ុន ម៉ាណែត ព្រមទាំងលោកជំទាវបណ្ឌិត ពេជ ចន្ទមុន្នី ៕
ចែករំលែកព័តមាននេះ