ខេត្តកំពង់ចាម: ក្រោមការយកចិត្តទុកដាក់ពីសំណាក់អនុរដ្ឋលេខាធិការក្រសួងកសិកម្មរុក្ខាប្រមាញ់និងនេសាទបានចុះ។ដឹកនាំមន្ត្រីជំនាញជលផលព្រមទាំងអាជ្ញាធរមូលដ្ឋានបង្ក្រាបបទល្មើសនេសាទដោយធ្វើឡើងនៅព្រឹកថ្ងៃទី១២ ខែសីហា ឆ្នាំ២០២៥ ស្ថិតក្នុងភូមិសាស្ត្រស្រុកជើងព្រៃ ដែលទឹកទន្លេហូរមកចូលតាមព្រែកលិចបឹងមើលទៅល្ហរល្ហាច ជាមួយនោះក៏មានក្រុមជនខិលខូចបានប្រើប្រាស់ឧបករណ៍នេសាទខុសច្បាប់ដើម្បីចាប់យកត្រីតូចធំដោយមិនខ្លាចរអែង។
លោកលី ស្រ៊ី នាយខណ្ឌរដ្ឋបាលជលផលស្ដីទីបានប្រាប់ឲ្យដឹងថា:ក្រោមការយកចិត្តទុកដាក់ពីសំណាក់ឯកឧត្តម ទឹម បូរក្ស អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានដឹកនាំកម្លាំងអធិការដ្ឋានរដ្ឋបាលជលផលមេគង្គ ខណ្ឌរដ្ឋបាលបាលជលផលកំពង់ចាម សហការជាមួយអាជ្ញាធរស្រុកជើងព្រៃ កម្លាំងប៉ុស្តិ៍នគរបាលរដ្ឋបាលសូទិព្វ និងព្រៃចារ ដោយមានការសម្របសម្រួលពីឯកឧត្តម ព្រះរាជអាជ្ញានៃអយ្យការអមសាលាដំបូងខេត្តកំពង់ចាម បានចុះបង្ក្រាបបទល្មេីសជលផល រុះរើនិងបំផ្លាញចោលឧបករណ៍ខុសច្បាប់ដែលក្រុមជនខិលខូចបានលួចដាក់នៅក្នុងរដូវបិទនេសាទ។
នាយខណ្ឌរដ្ឋបាលជលផលរូបនេះបន្តឲ្យដឹងទៀតថា ដោយសារតែកម្លាំងនៅមូលដ្ឋានបានរាយការណ៍មកស្ថាប័នជំនាញគឺមានគេដាក់ឧបករណ៍នេសាទដែលខុសច្បាប់ក្នុងភូមិសាស្ត្រស្រុកជើងព្រៃ ដោយទទួលបានព័ត៌មាននេះភ្លាម លោកប្រធានមន្ទីរកសិកម្មខេត្តបានរាយការណ៍បន្តទៅថ្នាក់លើដើម្បីមានវិធានការចុះបង្ក្រាបជាលទ្ធផលបានចំនួន ០២ករណីរួមមាន៖
+ករណីទី១
-ឧករណ៍លូស្បៃមុងចំនួន ៦មាត់
-របាំងស្បៃមុងប្រវែង ១៨០ម៉ែត្រ
-បង្គោលចម្រឹងចំនួន ៩០ដើម
-ចាក់លែងកូនត្រីចម្រុះទម្ងន់ ០៥គីឡូក្រាម
នៅចំណុចបឹងជ្រោយ ឃុំសូទិព្វ ស្រុកជើងព្រៃ ខេត្តកំពង់ចាម។
+ករណីទី២
-ឧករណ៍លូស្បៃមុងចំនួន ១៤មាត់
-របាំងស្បៃមុងប្រវែង ៤២០ម៉ែត្រ
-បង្គោលចម្រឹងចំនួន ២១០ដើម
-ចាក់លែងកូនត្រីចម្រុះទម្ងន់ ០៩គីឡូក្រាម
នៅចំណុចទំនប់តំបន់ ឃុំព្រៃចារ ស្រុកជើងព្រៃ ខេត្តកំពង់ចាម ជាមួយនោះស្ថាប័នជំនាញជលផលរួមហ្នឹងអាជ្ញាធរមូលដ្ឋានបន្តខិតខំបង្ក្រាបបទល្មើសនេះបន្តទៀត ក្នុងនោះឯកឧត្តមអនុរដ្ឋលេខាធិការក្រសួងកសិកម្មតែងតែអញ្ជើញដឹកនាំកម្លាំងចុះបង្ក្រាបផ្ទាល់តែម្ដង៕
ចែករំលែកព័តមាននេះ