គណៈកម្មាធិការជាតិគ្រប់គ្រងគ្រោះមហន្តរាយ បានប្រកាសនាមុននេះបន្តិចថា ៖ យោងតាមរបាយការណ៍ គិតត្រឹមថ្ងៃទី១១ ខែសីហា ឆ្នាំ២០២៥ ជនភៀសសឹកដែលស្នាក់នៅមណ្ឌលសុវត្ថិភាពបានថយចុះ និងវិលទៅលំនៅដ្ឋានរបស់ខ្លួនវិញជាបន្តបន្ទាប់ ។…
គណៈកម្មាធិការជាតិគ្រប់គ្រងគ្រោះមហន្តរាយ បានប្រកាសនាមុននេះបន្តិចថា ៖ យោងតាមរបាយការណ៍ គិតត្រឹមថ្ងៃទី១១ ខែសីហា ឆ្នាំ២០២៥ ជនភៀសសឹកដែលស្នាក់នៅមណ្ឌលសុវត្ថិភាពបានថយចុះ និងវិលទៅលំនៅដ្ឋានរបស់ខ្លួនវិញជាបន្តបន្ទាប់ ។
ក្នុងនោះមានខេត្តចំនួន៤ រួមមាន ឧត្តរមានជ័យ, បន្ទាយមានជ័យ, ព្រះវិហារ និងសៀមរាប ដែលមានជនភៀសសឹកបន្តស្នាក់នៅមណ្ឌលសុវត្ថិភាព សរុបចំនួន ៧,៧០២គ្រួសារ ស្មើនឹងចំនួនមនុស្ស ២៥,៧៥៥នាក់ ។
ក្នុងនាម គណៈកម្មាធិការជាតិគ្រប់គ្រងគ្រោះមហន្តរាយ ឯកឧត្តមកិត្តិសង្គហបណ្ឌិត គន់ គីម បានសំណូមពរដល់បងប្អូនប្រជាពលរដ្ឋភៀសសឹកដែលត្រឡប់ទៅលំនៅដ្ឋានទាំងអស់ សូមតាមដានព័ត៌មានឱ្យបានជាប់ជាប្រចាំ តាមរយៈការផ្តល់ព័ត៌មានទាំងឡាយពីសំណាក់អាជ្ញាធរមូលដ្ឋានរបស់ខ្លួន ដើម្បីធានាពីសុខសុវត្ថិភាពរបស់ប្រជាពលរដ្ឋគ្រប់រូប ៕
ចែករំលែកព័តមាននេះ