អាមេរិក-ចិន ៖ បន្ទាប់ពីការចរចាជាច្រើនលើក ប្រធានាធិបតីអាមេរិកលោកដូណាល់ត្រាំ បានចុះហត្ថលេខាកាលពីយប់ថ្ងៃទី១១សីហា លើក្រិត្យមួយដែលពន្យារពេល៩០ថ្ងៃទៀត បទឈប់បាញ់ក្នុងសង្គ្រាមពាណិជ្ជកម្មជាមួយចិន រហូតដល់ថ្ងៃទី១០ វិច្ឆិកា ឆ្នាំ២០២៥…
អាមេរិក-ចិន ៖ បន្ទាប់ពីការចរចាជាច្រើនលើក ប្រធានាធិបតីអាមេរិកលោកដូណាល់ត្រាំ បានចុះហត្ថលេខាកាលពីយប់ថ្ងៃទី១១សីហា លើក្រិត្យមួយដែលពន្យារពេល៩០ថ្ងៃទៀត បទឈប់បាញ់ក្នុងសង្គ្រាមពាណិជ្ជកម្មជាមួយចិន រហូតដល់ថ្ងៃទី១០ វិច្ឆិកា ឆ្នាំ២០២៥ ។ ប្រធានាធិបតីអាមេរិកឲ្យដឹងម្យ៉ាងទៀតថា មាសនឹងនៅតែរួចពន្ធថ្មីៗដែលលោកកម្រិត។
ការសម្រេចនោះរបស់លោកត្រាំធ្វើឡើង ខណៈសល់តែប៉ុន្មានម៉ោងទៀតដល់ពេលផុតកំណត់បទឈប់បាញ់ក្នុងសង្គ្រាមពាណិជ្ជកម្ម៩០ថ្ងៃលើកទីមួយ រវាងមហាយក្សសេដ្ឋកិច្ចពិភពលោកទាំង
២។
តាមបណ្ដាញសង្គមTRUTH SOCIALរបស់លោកប្រធានាធិបតីអាមេរិកសរសេរថា ប្រមុខរដ្ឋបានចុះហត្ថលេខាលើក្រិត្យមួយ ដែលផ្ដល់សុពលភាពជាផ្លូវការ លើការពន្យារពេលបទឈប់បាញ់នោះ ដោយរាល់សមាសភាពនៃកិច្ចព្រមព្រៀងនៅដដែលដូចមុន។
លោកបន្តថា ចិនបន្តចាត់បណ្ដាវិធានការសំខាន់ៗ ដើម្បីឆ្លើយតបចំពោះការព្រួយបារម្ភនានារបស់អាមេរិកខាងសន្តិសុខសេដ្ឋកិច្ចនិងសន្តិសុខជាតិ។ លោកប្ដេជ្ញាថា វាចាំបាច់និងសមស្របដែលត្រូវរក្សាបទឈប់បាញ់នោះរហូតដល់ថ្ងៃទី១០វិច្ឆិកាឆ្នាំ២០២៥ ។
បន្ទាប់ពីនេះបន្តិចទីភ្នាក់ងារព័ត៌មានចិនស៊ីនហួ បានចេញផ្សាយសេចក្ដីថ្លែងការណ៍រួមមួយ ក្រោយការចរចាចិន-អាមេរិក នៅក្រុងស្តុកខូលស៊ុយអែតដោយអះអាងថា ចិនក៏នឹងពន្យារពេលបទឈប់បាញ់នោះដែរ ។ ចិននឹងបន្តផ្អាកការដំឡើងពន្ធគយលើកមុនរបស់ខ្លួនរយៈពេល៩០ថ្ងៃទៀត គិតចាប់ពីថ្ងៃទី១២សីហាទៅ ដោយនៅរក្សាគារយកពន្ធ១០%។
ចិននិងអាមេរិកក្នុងការចរចាពាណិជ្ចកម្មក្រុងហ្ស៊ឺណែវកាលពីខែឧសភា បានសម្រេចកិច្ចព្រមព្រៀងកំណត់បណ្ដោះអាសន្នការយកពន្ធរបស់អាមេរិក៣០% លើបណ្ដាផលិតផលចិនហើយការយកពន្ធរបស់ចិនលើផលិតផលអាមេរិកមាន១០%៕
ចែករំលែកព័តមាននេះ