ខេត្តព្រះវិហារ ៖ តាមសេចក្តីរាយការណ៍មួយឲ្យដឹងថា យុវជនម្នាក់ខណៈស្ទុះទៅជួយមិត្តភក្តិដែលត្រូវឧបករណ៍ឆក់ត្រីឆ្លងចរន្តឆក់ប្រកាច់ក្នុងទឹកក៏ឆក់ស្លាប់ខ្លួនឯង ឯមិត្តភក្តិដែលឆក់ប្រកាច់ក្នុងទឹកគ្រាន់តែរបួស ។ ហេតុការណ៍នេះកើតឡើងកាលពីវេលាថ្ងៃត្រង់ថ្ងៃទី៩ ខែសីហា ឆ្នាំ២០២៥កន្លងទៅ នៅប្រឡាយទឹកស្រែវាលភូមិពុទ្រា…
ខេត្តព្រះវិហារ ៖ តាមសេចក្តីរាយការណ៍មួយឲ្យដឹងថា យុវជនម្នាក់ខណៈស្ទុះទៅជួយមិត្ត
ភក្តិដែលត្រូវឧបករណ៍ឆក់ត្រីឆ្លងចរន្តឆក់ប្រកាច់ក្នុងទឹកក៏ឆក់ស្លាប់ខ្លួនឯង ឯមិត្តភក្តិដែលឆក់ប្រកាច់ក្នុងទឹកគ្រាន់តែរបួស ។
ហេតុការណ៍នេះកើតឡើងកាលពីវេលាថ្ងៃត្រង់ថ្ងៃទី៩ ខែសីហា ឆ្នាំ២០២៥កន្លងទៅ នៅប្រឡាយទឹកស្រែវាលភូមិពុទ្រា ឃុំពុទ្រា ស្រុកជ័យសែន ។ ជនរងគ្រោះដែលស្លាប់ឈ្មោះ គន់ ប៉ាន់ អាយុ១៨ឆ្នាំ ចំណែកអ្នករងរបួសឈ្មោះ សាម សារិ អាយុ១៨ឆ្នាំដូចគ្នា និងជាអ្នកប្រើឧបករណ៍ឆក់ត្រី ។ ពួកគេទាំង២នាក់ជាកសិករ និងជាមិត្តភក្តិ រស់នៅក្នុងភូមិ ឃុំ ខាងលើជាមួយគ្នា ។
សេចក្តីរាយការណ៍ឲ្យដឹងទៀតថា នៅព្រឹកថ្ងៃទី៩ ខែសីហានោះ ឈ្មោះ សាម សារិ បានប្រើឧបករណ៍កែច្នៃយកទៅឆក់ត្រីនៅប្រឡាយទឹកស្រែវាល ។ ខណៈពេលកំពុងដើរឆក់ត្រី ស្រាប់តែចរន្តភ្លើងឆ្លង និងឆក់ខ្លួនឯង បណ្ដាលឲ្យដួលប្រកាច់ក្នុងប្រឡាយទឹក ។
ដោយឃើញដូច្នោះ ឈ្មោះ គន់ ប៉ាន់ ដែលជាមិត្តភក្តិបានស្ទុះទៅជួយសង្គ្រោះ ប៉ុន្តែបែរជាជួបគ្រោះថ្នាក់ខ្លួនឯងដល់ជីវិត ចំណែកឈ្មោះ សាម សារិ គ្រាន់តែរងរបួសរួចផុតពីសេចក្តីស្លាប់ ។ក្រោយកើតហេតុ គេឃើញកម្លាំងស្នងការដ្ឋាននគរបាលខេត្ត និងកម្លាំងអធិការដ្ឋាននគរបាលស្រុកជ័យសែន ក្រោមការសម្របសម្រួលពីស្ថាប័នអយ្យការអមសាលាដំបូងខេត្ត ទៅសហការជាមួយនគរបាល និងអាជ្ញាធរមូលដ្ឋាន ពិនិត្យកន្លែងកើតហេតុ និងធ្វើកោសល្យវិច័យសព ហើយសន្និដ្ឋានថា ជនរងគ្រោះទាំង២នាក់ ពិតជាត្រូវចរន្ទភ្លើងអាគុយកែច្នៃឆក់ត្រីឆក់ម្នាក់ស្លាប់ និងម្នាក់រងរបួសប្រាកដមែន ។ បន្ទាប់មក សពត្រូវបានសមត្ថកិច្ចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ