ខេត្តព្រះវិហារ៖ វីរកងទ័ព ទទួលបានម៉ូតូ១០គ្រឿង សម្រាប់បម្រើឱ្យកិច្ចប្រតិបត្តិការការពារជាតិតាមខ្សែបន្ទាត់ព្រំដែនកម្ពុជា-ថៃ និងការរក្សាសន្តិសុខសណ្ដាប់ធ្នាប់​ជូនប្រជាពលរដ្ឋជាដើម។

យោងតាមមន្ទីរព័ត៌មានខេត្តព្រះវិហារ បានឱ្យដឹងនៅថ្ងៃទី១១ ខែសីហា ឆ្នាំ២០២៥នេះ ថា
ឯកឧត្តម គីម រិទ្ធី អភិបាលខេត្តព្រះវិហារ និងលោកជំទាវ សុខា គងពិសី ព្រមទាំងសប្បុរសជន បាននាំយកអំណោយម៉ូតូហុងដាវេវចំនួន ១០គ្រឿង ប្រគល់ជូនដល់បញ្ជាការដ្ឋានតំបន់ប្រតិបត្តិការសឹករងព្រះវិហារ សម្រាប់ប្រើប្រាស់ជាមធ្យោបាយក្នុងការបម្រើឱ្យកិច្ចប្រតិបត្តិការការពារជាតិ ការល្បាតតាមខ្សែបន្ទាត់ព្រំដែន និងការរក្សាសន្តិសុខសណ្ដាប់ធ្នាប់ក្នុងភូមិសាស្ត្រខេត្តព្រះវិហារ ព្រមទាំងចូលរួមលើកទឹកចិត្ត និងថ្លែងអំណរគុណចំពោះកងទ័ព ដែលបានលះបង់កម្លាំងកាយចិត្ត ការពារបូរណភាពទឹកដី សុខសន្តិភាព និងសេចក្តីសុខរបស់ប្រជាពលរដ្ឋ៕