ខេត្តសៀមរាប ៖ រដ្ឋបាលខេត្តសៀមរាបបានប្រកាសនាមុននេះថា ៖ រដ្ឋបាលខេត្តរៀបចំរថយន្តចំនួន ២គ្រឿងសម្រាប់ដឹកជញ្ជូន ជូនជនភៀសសឹកពីវត្តបូណ៌ខ្នាតេជោ ភូមិខ្នារជោ ឃុំចន្លាស់ដៃ ស្រុកក្រឡាញ់ត្រឡប់ទៅលំនៅឋាននៅខេត្តឧត្តរមានជ័យ…
ខេត្តសៀមរាប ៖ រដ្ឋបាលខេត្តសៀមរាបបានប្រកាសនាមុននេះថា ៖ រដ្ឋបាលខេត្តរៀបចំរថយន្តចំនួន ២គ្រឿងសម្រាប់ដឹកជញ្ជូន ជូនជនភៀសសឹកពីវត្តបូណ៌ខ្នាតេជោ ភូមិខ្នារជោ ឃុំចន្លាស់ដៃ ស្រុកក្រឡាញ់ត្រឡប់ទៅលំនៅឋាននៅខេត្តឧត្តរមានជ័យ ។
រដ្ឋបាលខេត្តសៀមរាប បានបញ្ជាក់ថា ថ្ងៃទី១១ ខែសីហា ឆ្នាំ២០២៥នេះ យោងតាមសំណូមពររបស់ជនភៀសសឹក ព្រមទាំងមានការយកចិត្តទុកដាក់ខ្ពស់ពីឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាប បានណែនាំឱ្យក្រុមការងាររៀបចំរថយន្តចំនួន២គ្រឿងសម្រាប់ដឹកជញ្ជូនជនភៀសសឹកពីវត្តបូណ៌ខ្នាតេជោ ភូមិខ្នារជោ ឃុំចន្លាស់ដៃ ស្រុកក្រឡាញ់ត្រឡប់ទៅលំនៅឋាននៅខេត្តឧត្តរមានជ័យ ចំនួន៣១នាក់ ស្រី២២នាក់ ពីខេត្តសៀមរាបទៅគេដ្ឋានវិញ ។
ជាមួយនឹងការដឹកជញ្ជូននេះ មានបងប្អូនទៅខេត្តឧត្តមានជ័យ១៨គ្រួសារ ស្មើនិង៦០នាក់ ស្រី ៣៨នាក់ កុមារ៣៣នាក់ កុមារី១៩នាក់ ។
ជាមួយនឹងការត្រឡប់ទៅគេហដ្ឋានវិញបងប្អូនប្រជាជនបានថ្លែងអំណរគុណយ៉ាងជ្រាលជ្រៅបំផុតចំពោះឯកឧត្តម ប្រាក់ សោភ័ណ អភិបាល នៃគណៈអភិបាលរដ្ឋបាលខេត្ត ក្រុង ស្រុក កងកម្លាំងប្រដាប់អាវុធនិងព្រះចៅអធិការវត្តដែលផ្តល់ទីតាំងសុវត្ថិភាព និងយកចិត្តទុកដាក់ខ្ពស់ក្នុងការៀបចំចាត់ចែងកន្លែងស្នាក់នៅ និងការផ្គត់ផ្គង់គ្រឿងឧបភោគបរិភោគគ្រប់គ្រាន់ ព្រមទាំងអនាម័យបរិស្ថានដល់ពួកគាត់ដែលបានជម្លៀសពីតំបន់សមរភូមិ ។
រដ្ឋបាលខេត្ត ក៏សូមការយោគយល់ចំពោះការរៀបចំកន្លែងស្នាក់នៅពុំទាន់បំពេញតម្រូវការ និងឆ្លើយតបតាមសំណូមពររបស់បងប្អូនពីសំណាក់ថ្នាក់ដឹកនាំ ក៏ដូចជា អាជ្ញាធរ មន្ត្រីដែលបានរៀបចំទីតាំងស្នាក់នៅ ។ ទន្ទឹមនឹងនេះ សូមជូនពរបងប្អូនធ្វើដំណើរប្រកបដោយសុវត្ថិភាពទាំងអស់គ្នា ៕
ចែករំលែកព័តមាននេះ