ADផ្ទាំងផ្សព្វផ្សាយពាណិជ្ជកម្ម

អំណោយ១០លានរៀលរបស់សម្ដេចកិតិ្តព្រឹទ្ធបណ្ឌិតប៊ុន រ៉ានី ហ៊ុនសែន បានប្រគល់ជូនដល់ភរិយាវីរៈកងទ័ព១រូបមានផ្ទៃពោះជិតគ្រប់ខែ

5 ម៉ោង មុន

កំពង់ចាម
១១ ខែ សីហា ឆ្នាំ ២០២៥ ម៉ោង ១៤:០៤

ខេត្តកំពង់ចាម: ស្ត្រីមានផ្ទៃពោះជិតគ្រប់ខែម្នាក់បានចូលមកសម្រាកនៅមន្ទីរពេទ្យខេត្តកំពង់ចាម ដើម្បីត្រៀមនិងសម្រាលកូន។ចំណែកប្ដីរបស់ខ្លួនវិញជាវីរៈយុទ្ធជនជួរមុខកំពុងតែរវល់បំពេញការងារជូនជាតិទប់ទល់និងការឈ្លានពានពីសំណាក់ទ័ពថៃ ។ អ្នកស្រីឡាច គឹមហៀង អាយុ៦១ ឆ្នាំរស់នៅស្រុកបាធាយ ដែលមកមើលកំដរកូនស្រីបានរៀបរាប់ថា: ក្រោមការយកចិត្តទុកដាក់ពីសំណាក់ឯកឧត្តមខ្លូតផនប្រធានក្រុមប្រឹក្សាខេត្ត…

អ្នកស្រីឡាច គឹមហៀង អាយុ៦១ ឆ្នាំរស់នៅស្រុកបាធាយ ដែលមកមើលកំដរកូនស្រីបានរៀបរាប់ថា: ក្រោមការយកចិត្តទុកដាក់ពីសំណាក់ឯកឧត្តមខ្លូតផនប្រធានក្រុមប្រឹក្សាខេត្ត ឯកឧត្តមអ៊ុនចាន់ដា អភិបាលខេត្ត បាននាំយកអំណោយថវិកាចំនួន១០លានរៀលព្រមទាំងគ្រឿងឧបភោគបរិភោគរបស់សម្ដេចកិតិ្តព្រឹទ្ធបណ្ឌិតប៊ុន រ៉ានី ហ៊ុនសែន ប្រធានកាកបាទក្រហមកម្ពុជា គឺបានយកមកជូនដល់បន្ទប់ស្នាក់នៅក្នុងមន្ទីរពេទ្យខេត្តនាព្រឹកថ្ងៃទី១១សីហា ឆ្នាំ២០២៥បានជូនដល់កូនស្រីរបស់គាត់ឈ្មោះជា មួយលាភ អាយុ៣៥ឆ្នាំ ដែលមានផ្ទៃពោះជិតគ្រប់ខែ។

អ្នកស្រីបានរៀបរាប់បន្តឲ្យដឹងទៀតថាកាលពីមុនកូនប្រសាររបស់គាត់ជាទាហានកងវិស្វកម្មនៅស្រុកបាធាយក្រោយមកបានផ្លាស់ទៅរស់នៅខេត្តព្រះវិហារ មកដល់បច្ចុប្បន្ននេះមានរយៈពេលជិត២០ឆ្នាំហើយ។

កូនស្រីគាត់ឈ្មោះលាភ មានកូនរហូតទៅដល់បួននាក់ក្នុងនោះកូនបងពីរនាក់ស្រីទាំងពីរ កូនទីបីប្រុសនិងកូនទី៤ក្នុងផ្ទៃកូនស្រី ដែលនៅសល់តែថ្ងៃសម្រាលប៉ុណ្ណោះ។

មួយរយៈពេលកន្លងមកដោយសារភាគីទាហានថៃបានបាញ់គ្រាប់ប្លោងចូលមកព្រំដែនកម្ពុជាធ្វើឲ្យកូនស្រីរបស់គាត់ ដែលមានផ្ទៃពោះទៅហើយនោះបានសុំគោយន្តកន្ត្រៃរបស់អ្នកភូមិជិះគេចពីគ្រាប់ប្លោងមួយស្នាក់នៅជំរំភាសិតនៅវត្តពោធិ៍៥០០០ក្នុងខេត្តព្រះវិហារ បានរយៈពេលមួយអាទិត្យ ដោយសារតែពិបាកដេកណាមួយភ្លៀងមូសខាំកូន ទ្រាំមិនបានក៏ជិះរថយន្តឈ្នួលមកស្រុកកំណើតនៅស្រុកបាធាយខេត្តកំពង់ចាម។

ដោយសារតែកូនស្រីមានផ្ទៃពោះប៉ុន្មានថ្ងៃមុនមិនស្រួលខ្លួនចេះតែហត់ក៏បានធ្វើដំណើរមកមន្ទីរពេទ្យខេត្តកំពង់ចាម ដើម្បីឲ្យគ្រូពេទ្យពិនិត្យសុខភាព ដំណឹងនេះបានឮដល់ឯកឧត្តមអភិបាលខេត្តកំពង់ចាម ក្រោមការយកចិត្តទុកដាក់ ក៏បានយកអំណោយមកជូនកូនស្រីគាត់ដល់បន្ទប់ស្នាក់នៅក្នុងមន្ទីរពេទ្យខេត្តកំពង់ចាមពេលទទួលអំណោយកូនស្រីរំភើបពេកនិយាយមិនចង់ចេញរហូតស្រក់ទឹកភ្នែក។

ឯកឧត្តមអ៊ុន ចាន់ដា អភិបាលខេត្តមានប្រសាសន៍ឲ្យដឹងដែរថាចំពោះការស្នាក់អាស្រ័យសម្រាលកូនក្នុងមន្ទីរពេទ្យខេត្តគឺរដ្ឋបាលខេត្តបានជួយសម្រួលបង់ថ្លៃសេវាជូនទាំងស្រុង។ដោយមិនបាច់ចំណាយថវិកាណាបន្តិចសោះ។ ចំណែកប្ដីវាទាហាននៅសមរភូមិមុខដែលកំពុងធ្វើដំណើរមកមើលប្រពន្ធនៅមន្ទីរពេទ្យ ព្រមទាំងមានបញ្ហាសុខភាពនោះគ្រូពេទ្យនិងជួយព្យាបាលដោយឥតគិតថ្លៃរហូតមានសុខភាពល្អនិងបានទៅបំពេញភារកិច្ចនៅអង្គភាពជួរមកវិញ។ឯកឧត្តមអភិបាលខេត្តបានជូនពរដល់ភរិយាវីរៈយុទ្ធជនជួរមុខឱ្យមានសុខភាពល្អទាំងប្រពន្ធនិងប្ដីជាមួយនោះព្រមទាំងឈ្នះអស់មារសត្រូវ ៕