អភិបាលខេត្តបន្ទាយមានជ័យ នាំយកអំណោយជូនដល់កុមារកំព្រា ដែលភៀសសឹកមកពីខេត្តឧត្តរមានជ័យ
ខេត្តបន្ទាយមានជ័យ ៖ នារសៀលថ្ងៃសៅរ៍ ទី០៩ ខែសីហា ឆ្នាំ២០៥ លោក អ៊ុំ រាត្រី អភិបាល…
ខេត្តបន្ទាយមានជ័យ ៖ នារសៀលថ្ងៃសៅរ៍ ទី០៩ ខែសីហា ឆ្នាំ២០៥ លោក អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ រួមនឹងសប្បុរសជនរាជធានីភ្នំពេញ បាននាំយកអំណោយផ្តល់ជូនដល់កុមារកំព្រា ដែលភៀសសឹក មកពីតំបន់សមរភូមិមុខនៅខេត្តឧត្តរមានជ័យ កាលពីអំឡុងប៉ះទង្គិចគ្នានៅតាមបន្ទាត់ព្រំដែនខេត្តឧត្តរមានជ័យ និងព្រះវិហា ជម្លៀសមកស្នាក់នៅបណ្តោះអាសន្ននៅវិទ្យាល័យ ជប់ វ៉ារី ស្ថិតនៅក្នុងឃុំជប់វ៉ារី ស្រុកព្រះនេត្រព្រះ ។
ក្នុងឱកាសនោះលោក អ៊ុំ រាត្រី ក៏បានថ្លែងអំណរគុណដល់សប្បុរសជន ដែលបានចំណាយពេលវេលា និងថវិកានាំយកនូវសម្ភារជូនដល់កុមារកំព្រាក៏ដូចជា ក្រុមគ្រូពេទ្យ កងកម្លាំង។ និងជូនពរទៅដល់សប្បុរសជន ជួបប្រទះតែពុទ្ធពរ ៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។
ចំពោះអំណោយរួមមានអង្ករ១០០ការ៉ុងតូច (មួយការ៉ុងទម្ងន់៥គីឡូក្រាម) ឃីត និងសម្ភារមួយចំនួន សម្រាប់បែងចែកដល់កុមារកំព្រា, ក្រុមគ្រូពេទ្យប្រចាំការ , លោកគ្រូ-អ្នកគ្រូ និងកងកម្លាំងផងដែរ ៕
ចែករំលែកព័តមាននេះ