ខេត្តព្រះសីហនុ ៖ សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា នៅពេលខាងមុខឆាប់ៗនេះ វេលាម៉ោង១២ថ្ងៃទី១២ ខែធ្នូ(១២) ឆ្នាំ២០១២ ប្រេងកាតនៅសមុទ្រកម្ពុជា និងចាប់ផ្តើមចម្រាញ់ឱ្យចេញជាផលិតផលប្រេងឥន្ធនៈ ហើយនៅពេលនោះខេត្តព្រះសីហនុនឹង
ខេត្តព្រះសីហនុ ៖ សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា នៅពេលខាងមុខឆាប់ៗនេះ វេលាម៉ោង១២ថ្ងៃទី១២ ខែធ្នូ(១២) ឆ្នាំ២០១២ ប្រេងកាតនៅសមុទ្រកម្ពុជា និងចាប់ផ្តើមចម្រាញ់ឱ្យចេញជាផលិតផលប្រេងឥន្ធនៈ ហើយនៅពេលនោះខេត្តព្រះសីហនុនឹងក្លាយទៅជាតំបន់ដែលមានអាជីវកម្មប្រេង។
សម្តេចតេជោនាយករដ្ឋមន្ត្រីហ៊ុន សែន បានមានប្រសាសន៍បែបនេះ នាព្រឹកថ្ងៃទី១២ ខែកក្កដា ឆ្នាំ២០១១ ក្នុងឱកាសដែលសម្តេចនិងលោកជំទាវកិត្តិព្រឹទ្ធបណ្ឌិត អញ្ជើញជាអធិបតីដ៏ខ្ពង់ខ្ពស់ក្នុងពិធីសម្ពោធបើកឱ្យប្រើប្រាស់ជាផ្លូវការស្ពានតេជោមរតក(កោះពស់) ដែលស្ថិតក្នុងសង្កាត់លេខ៣ ក្រុងព្រះសីហនុ ខេត្តព្រះសីហនុ ដែលមានប្រវែង៩០០ម៉ែត្រ មានតម្លៃសាងសង់ប្រមាណ២០លានអឺរ៉ូ ។
សម្តេចតេជោហ៊ុន សែន បានបញ្ជាក់ថា ការចាប់ផ្តើមដំណើរការចម្រាញ់ប្រេងកាតលើកដំបូងនៅខេត្តព្រះសីហនុនេះមិនត្រឹមតែជាការរីកចម្រើននូវប្រភពវិនិយោគថ្មីមួយប៉ុណ្ណោះទេ គឺវាបានផ្តល់នូវអត្ថប្រយោជន៍ច្រើនយ៉ាងដល់ប្រទេសកម្ពុជា ដូចជាយើងទទួលបាននូវចំណូលថវិកាសម្រាប់ជាតិ កាត់បន្ថយការឡើងថ្លៃប្រេងសាំង កាត់បន្ថយភាពក្រីក្រដល់ពលរដ្ឋក្នុងប្រទេស និងផ្តល់ការងារដល់ពលរដ្ឋកម្ពុជាទៀតផង ។ល។និង។ល។
ដំណើរការនេះឆ្លុះបញ្ចាំងពីប្រសិទ្ធភាពជាក់ស្តែង នៃការចូលរួមរបស់ផ្នែកឯកជនក្នុងការជំរុញកិច្ចអភិវឌ្ឍន៍សេដ្ឋកិច្ចនិងសង្គម ហើយក៏ជាការឆ្លុះបញ្ចាំងនូវភាពជឿជាក់របស់មជ្ឈដ្ឋានអន្តរជាតិលើស្ថិរភាពនយោបាយ សន្តិសុខ សណ្តាប់ធ្នាប់សង្គម ក៏ដូចជាទទួលបានការគាំទ្រការការពារ និងការលើកទឹកចិត្តរបស់រាជរដ្ឋាភិបាលដល់វិនិយោគក្នុងប្រទេសកម្ពុជាផង
ដែរ ៕
ចែករំលែកព័តមាននេះ