ខេត្តបន្ទាយមានជ័យ ៖ ក្នុងចំណោមពលរដ្ឋភៀសសឹកជាង៧០០គ្រួសារ នៅវត្តច័ន្ទស៊ី ស្ថិតក្នុងភូមិនិមិត្ត ឃុំកូប ស្រុកអូរជ្រៅ ខេត្តបន្ទាយមានជ័យ មានជិត៣០០គ្រួសារ បានវិលត្រឡប់ទៅលំនៅដ្ឋានវិញហើយ…
ខេត្តបន្ទាយមានជ័យ ៖ ក្នុងចំណោមពលរដ្ឋភៀសសឹកជាង៧០០គ្រួសារ នៅវត្តច័ន្ទស៊ី ស្ថិតក្នុងភូមិនិមិត្ត ឃុំកូប ស្រុកអូរជ្រៅ ខេត្តបន្ទាយមានជ័យ មានជិត៣០០គ្រួសារ បានវិលត្រឡប់ទៅលំនៅដ្ឋានវិញហើយ កាលពីថ្ងៃទី៧ សីហា ឆ្នាំ២០២៥ នៅសល់ជាង៤០០គ្រួសារទៀតអាចចាកចេញជាបន្តទៀត ។
លោក កែវ តារ៉ារស្មី អភិបាលស្រុកអូរជ្រៅបានឱ្យដឹងថា ក្រោយស្ថានភាពតានតឹងតាមបន្ទាត់ព្រំដែនដែលទាហានសៀមមានបំណងឈ្លានពានបូរណភាពទឹកដីកម្ពុជា បានធ្វើឱ្យប្រជាពលរដ្ឋកម្ពុជាមានការភ័យខ្លាចផ្ទុះអាវុធ ហើយអាជ្ញាធរខេត្ត/ស្រុកបានជម្លៀសពលរដ្ឋដែលជាជនភៀសសឹកទៅស្នាក់នៅកន្លែងសុវត្ថិភាពនៅវត្តច័ន្ទស៊ីចាប់ពីថ្ងៃទី២៤ កក្កដា ឆ្នាំ២០២៥ រហូតដល់ថ្ងៃទី០៧ ខែសីហា ឆ្នាំ២០២៥នេះ ក្នុងចំណោមជនភៀសសឹកចំនួន៧២៩គ្រួសារ បានវិលត្រឡប់ទៅលំដ្ឋានវិញមានចំនួន២៩៩គ្រួសារ នៅសល់៤៣០គ្រួសារទៀតអាចចាកចេញជាបន្តបន្ទាប់ទៀត។
លោកបានបញ្ជាក់ថា៖ជនភៀសសឹកដែលដែលស្នាក់នៅកន្លែងសុវត្ថិភាពត្រូវបានប្រមុខរាជរដ្ឋាភិបាលកម្ពុជាដែលមានសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រៈរាជាណាចក្រកម្ពុជា បានយកចិត្តទុកដាក់ជួយស្បៀងអាហារសម្រាប់បងប្អូនប្រជាពលរដ្ឋដែលត្រូវបានជម្លៀសចេញពីព្រំដែនតំបន់ប្រឈមដាក់កន្លែងសុវត្ថិភាពហើយទាំងគឹតគូរពីសុខភាពនិងអាហារហូបចុកអោយបានគ្រប់គ្រាន់។
លោក កែវ តារ៉ារស្មី បានបញ្ជាក់ថា៖ក្រោយកិច្ចប្រជុំវិសាមញ្ញនៃគណៈកម្មាធិការព្រំដែនទូទៅកម្ពុជា.ថៃ(Extraordinary GBC Meeting)ដោយមាការចូលរួមសង្កេតការណ៍ពី ម៉ាឡេស៊ី សហរដ្ឋអាមេរិក និងសាធារណរដ្ឋប្រជាមាននិតចិន អនុវត្តតាមស្មារតីនៃកិច្ចប្រជុំវិសាមញ្ញនេះប្រកបដោយតម្លាភាពស្មោះត្រង់គោរពបទឈបបាញ់គ្នា ដើម្បីសុខសន្តិភាពរបស់កងទ័ពនិងប្រជាជននៃប្រទេសទាំងពីរ៕
ចែករំលែកព័តមាននេះ