ការផឹកគ្រឿងស្រវឹងជាមួយអាហារមួយចំនួនអាចបង្កើនផលប៉ះពាល់អវិជ្ជមានដល់សុខភាព។ ដើម្បីរក្សាសុខភាពឱ្យបានល្អ អ្នកគួរជៀសវាងអាហារទាំងនេះ៖ អាហារប្រៃ: អាហារសម្រន់ដែលមានជាតិប្រៃខ្ពស់ធ្វើឱ្យរាងកាយខ្សោះជាតិទឹក និងស្រេកទឹកខ្លាំង ដែលអាចជំរុញឱ្យអ្នកផឹកស្រាកាន់តែច្រើន។ គួរជំនួសមកវិញដោយបន្លែ ឬសាច់គ្មានជាតិអំបិល។អាហារជូរ: ផ្លែក្រូចឆ្មារ…
ការផឹកគ្រឿងស្រវឹងជាមួយអាហារមួយចំនួនអាចបង្កើនផលប៉ះពាល់អវិជ្ជមានដល់សុខភាព។ ដើម្បីរក្សាសុខភាពឱ្យបានល្អ អ្នកគួរជៀសវាងអាហារទាំងនេះ៖
អាហារប្រៃ: អាហារសម្រន់ដែលមានជាតិប្រៃខ្ពស់ធ្វើឱ្យរាងកាយខ្សោះជាតិទឹក និងស្រេកទឹកខ្លាំង ដែលអាចជំរុញឱ្យអ្នកផឹកស្រាកាន់តែច្រើន។ គួរជំនួសមកវិញដោយបន្លែ ឬសាច់គ្មានជាតិអំបិល។
អាហារជូរ: ផ្លែក្រូចឆ្មារ និងអាហារមានជាតិជូរផ្សេងទៀតអាចធ្វើឱ្យអាការៈ ចាល់អាស៊ីតក្រពះ (Acid Reflux) កាន់តែធ្ងន់ធ្ងរ។ អ្នកដែលមានបញ្ហានេះគួរតែជៀសវាងអាហារប្រភេទនេះ។
នំប៉័ង: ប្រសិនបើអ្នកផឹកស្រាបៀរ ការញ៉ាំនំប៉័ងច្រើនពេកអាចបណ្តាលឱ្យមានអារម្មណ៍ ហើមពោះ និង មិនរំលាយអាហារ ព្រោះទាំងពីរប្រភេទនេះផលិតចេញពីមេដំបែ។
ភេសជ្ជៈគ្មានជាតិស្ករ: ភេសជ្ជៈគ្មានជាតិស្ករអាចធ្វើឱ្យអ្នកស្រវឹងលឿនជាងភេសជ្ជៈមានជាតិស្ករធម្មតា ព្រោះជាតិស្ករជួយកាត់បន្ថយល្បឿននៃការស្រូបយកជាតិអាល់កុលទៅក្នុងចរន្តឈាម។
អាហារមានជាតិខ្លាញ់ខ្ពស់: អាហារបំពង ឬអាហារខ្លាញ់ច្រើនអាចធ្វើឱ្យសាច់ដុំបំពង់អាហារចុះខ្សោយ ដែលបង្កើនលទ្ធភាពនៃការចាល់អាស៊ីតក្រពះ និងធ្វើឱ្យមិនរំលាយអាហារ។
ចំណុចសម្គាល់: នៅពេលផឹកស្រា គួរញ៉ាំអាហារសមរម្យ ផឹកទឹកឱ្យបានច្រើន ហើយត្រូវប្រាកដថាមិនបើកបរនៅពេលស្រវឹង៕
ចែករំលែកព័តមាននេះ