ខេត្តសៀមរាប៖ បណ្ដាអង្គទូត១១ប្រទេស និងទីភ្នាក់ងាររបស់អង្គការសហប្រជាជាតិ (UN) សរុប១៥ស្ថាប័ន នៅថ្ងៃទី០៦ ខែសីហា ឆ្នាំ ២០២៥នេះ បានបន្ដចុះពិនិត្យជំរុំជនភៀសសឹកនៅ…
ខេត្តសៀមរាប៖ បណ្ដាអង្គទូត១១ប្រទេស និងទីភ្នាក់ងាររបស់អង្គការសហប្រជាជាតិ (UN) សរុប១៥ស្ថាប័ន នៅថ្ងៃទី០៦ ខែសីហា ឆ្នាំ ២០២៥នេះ បានបន្ដចុះពិនិត្យជំរុំជនភៀសសឹកនៅ «វត្តជ្រោយនាងងួន» ក្នុងភូមិជ្រោយនាង ងួន ឃុំជ្រោយនាងងួន ស្រុកស្រីស្នំ ខេត្តសៀមរាប។
គិតត្រឹមរសៀលថ្ងៃទី០៦ ខែសីហា ឆ្នាំ២០២៥ ប្រជាពលរដ្ឋភៀសសឹក មកស្នាក់នៅមណ្ឌលសុវត្ថិភាព «វត្តជ្រោយនាង ងួន» មានចំនួន១០០៣គ្រួសារ ប្រជាពលរដ្ឋចំនួន៣៨៩៨នាក់ ស្រី២០៥១នាក់ ក្មេង៩៤៤ នាក់ ។ មុនចុះមកកាន់ខេត្ដសៀមរាបនេះ បណ្ដាអង្គ ទូត១១ប្រទេស និងទីភ្នាក់ងាររបស់អង្គការ សហប្រជាជាតិ (UN) សរុប១៥ស្ថាប័ន នៅរសៀលថ្ងៃទី០៦ ខែសីហា ឆ្នាំ២០២៥ បានចុះត្រួតពិនិត្យដល់ទីតាំងផ្ទាល់នៅជំរុំជនភៀស សឹក (បន្ទាយអំពិល) ស្ថិតក្នុងវត្តថ្មកំបោរ ភូមិពោធិ៍ចាស់ ស្រុកបន្ទាយអំពិល ខេត្តឧត្តរមានជ័យ។
សូមបញ្ជាក់ ផងដែរថា ការចុះទៅពិនិត្យបងប្អូនប្រជាពលរដ្ឋ ដែលបានភៀសសឹក មកស្នាក់ នៅមណ្ឌលសុវត្ថិភាព «វត្តជ្រោយនាងងួន» មានចំនួន១០០៣គ្រួសារនៅនេះ ដឹកនាំដោយលោក កាន់ ផារិទ្ធ និងលោក អ៊ុន ឃាង រដ្ឋ លេខាធិការក្រសួងការបរទេស និងសហប្រតិ វត្តិការអន្ដរជាតិផងដែរ ៕
ចែករំលែកព័តមាននេះ