គិតត្រឹមថ្ងៃទី៥ ខែសីហានេះសាលារៀន៣២០ ក្នុងចំណោម៦០៥បន្តបិទទ្វារបណ្ដោះអាសន្ន ដោយ សារជម្លោះព្រំដែនក្នុងខេត្តចំនួន៤
រាជធានីភ្នំពេញ ៖ ក្រសួងអប់រំ យុវជន និងកីឡា បានប្រកាសនាមុននេះថា ៖ គិតត្រឹមថ្ងៃទី០៥ ខែសីហា ឆ្នាំ២០២៥…
រាជធានីភ្នំពេញ ៖ ក្រសួងអប់រំ យុវជន និងកីឡា បានប្រកាសនាមុននេះថា ៖ គិតត្រឹមថ្ងៃទី០៥ ខែសីហា ឆ្នាំ២០២៥ សាលារៀនចំនួន៣២០ ក្នុងចំណោមសាលារៀន៦០៥បន្តបិទទ្វារជាបណ្ដោះអាសន្ន ដោយសារជម្លោះព្រំដែន ក្នុងខេត្តចំនួន៤ មានខេត្តព្រះវិហារ ឧត្តរមានជ័យ កោះកុង និងពោធិ៍សាត់ ។
សូមបញ្ជាក់ថា ក្នុងរយៈពេលសង្គ្រាម ៥ថ្ងៃនេះ មានសិស្ស ១៥០០០០នាក់ សាលារៀន៦០០កន្លែង និងគ្រូបង្រៀន ៦.៥០០នាក់ បានរងផលប៉ះពាល់» ។ នេះជាប្រសាសន៍លើកឡើងរបស់ឯកឧត្តមបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា ក្នុងពិធីប្រគល់សម្ភារៈសិក្សាដល់សិស្សានុសិស្សភៀសសឹកនៅខេត្តព្រះវិហារ ដែលគាំទ្រដោយយូនីសេហ្វ ។
ក្នុងគ្រប់កាលៈទេសៈ សិទ្ធិរបស់កុមារគ្រប់រូប ក្នុងការទទួលបានការអប់រំត្រូវតែត្រូវបានការពារ ។ ការសិក្សា និងកីឡា មិនត្រឹមតែផ្តល់ស្ថិរភាពប៉ុណ្ណោះទេ ប៉ុន្តែវាក៏ផ្តល់ក្តីសង្ឃឹម និងជាវិថីដ៏សំខាន់មួយឆ្ពោះទៅរកការស្តារផ្លូវចិត្តរបស់ពួកគេផងដែរ ៕
ចែករំលែកព័តមាននេះ