ចិន-អាមេរិក ៖ បណ្ដាអ្នកទទួលខុសត្រូវអាមេរិកនិងចិន ឈានទៅសម្រេចបានការព្រមព្រៀងលើការខ្វែងគំនិតគ្នាដ៏ច្រើន ដើម្បីចុះហត្ថលេខាលើកិច្ចព្រៀងពាណិជ្ជកម្មមួយនិងចៀសវាងពន្ធទណ្ឌកម្ម ប៉ុន្តែប្រទេសទាំង២នៅតែមានជំហរខ្វែងគ្នាជានិច្ច លើចំណុចដែលអាមេរិកទាមទារឲ្យចិនឈប់ទិញប្រេងពីរុស្ស៊ី និងអុីរ៉ង់។ បន្ទាប់ពី២ថ្ងៃនៃការចរចាគ្នាខាងពាណិជ្ជកម្ម នៅទីក្រុងស្តុកខូលស៊ុយអែត…
ចិន-អាមេរិក ៖ បណ្ដាអ្នកទទួលខុសត្រូវអាមេរិកនិងចិន ឈានទៅសម្រេចបានការព្រមព្រៀងលើការខ្វែងគំនិតគ្នាដ៏ច្រើន ដើម្បីចុះហត្ថលេខាលើកិច្ចព្រៀងពាណិជ្ជកម្មមួយនិងចៀសវាងពន្ធទណ្ឌកម្ម ប៉ុន្តែប្រទេសទាំង២នៅតែមានជំហរខ្វែងគ្នាជានិច្ច លើចំណុចដែលអាមេរិកទាមទារឲ្យចិនឈប់ទិញប្រេងពីរុស្ស៊ី និងអុីរ៉ង់។
បន្ទាប់ពី២ថ្ងៃនៃការចរចាគ្នាខាងពាណិជ្ជកម្ម នៅទីក្រុងស្តុកខូលស៊ុយអែត និងជាការឆ្លើយតបចំពោះការគំរាមរបស់អាមេរិកយកពន្ធ១០០% ក្រសួងការបរទេសចិនតាមបណ្ដាញសង្គមXលើកឡើងថា ចិននឹងធានាជានិច្ចដល់ការផ្គត់ផ្គង់ថាមពល ដែលបម្រើដល់ផលប្រយោជន៍ជាតិ់របសយើង។ បណ្ដាការគាបសង្កត់នឹងមិនបម្រើអ្វីឡើយ។ ចិននឹងការពារយ៉ាងមឺុងម៉ាត់អធិបតេយ្យភាព សន្តិសុខនិងផលប្រយោជន៍របស់ខ្លួនខាងការអភិវឌ្ឍ។
ចម្លើយតបនោះគឺសំខាន់ណាស់ក្នុងពេលដែលក្រុងប៉េកាំងនិងក្រុងវ៉ាស៊ីនតោនកំពុងមានសុទិដ្ឋិនិយម និងកំពុងមានឆន្ទៈចុះហត្ថលេខាលើកិច្ចព្រមព្រៀងពាណិជ្ជកម្មមួយ រវាងមហាយក្សសេដ្ឋកិច្ចទាំង២។ វាគូសបញ្ជាក់ពីទំនុកចិត្តរបស់ចិនលើសមត្ថភាព ដែលនៅតែម៉ឺងម៉ាត់ចំពោះរដ្ឋការលោកដូណាល់ត្រាំ។ បន្ទាប់ពីការចរចារដ្ឋមន្ត្រីរតនាគារអាមេរិកលោកSCOTT BESSENT រាយការណ៍ប្រាប់ដល់ក្រុមអ្នកកាសែតថា អំពីការទិញប្រេងរុស្ស៊ីចិនប្រកាន់យ៉ាងមឺុងម៉ាត់នូវអធិបតេយ្យភាពរបស់ខ្លួន។
ចំណែកអ្នកចរចាអាមេរិកមួយរូបទៀតលោក GABRIEL WILDAU លើកឡើងថា លោកប្រធានាធិបតីត្រាំអាចប្រើសិទ្ធិយកពន្ធគយ១០០% ដែលបែបនេះនឹងប៉ះពាល់ដល់ការរីកចម្រើននាពេលថ្មីៗនេះ ហើយប្រហែលជាបំផ្លាញដល់ការប្រកាសកិច្ចព្រមព្រៀងពាណិជ្ជកម្មមួយ សម្រាប់លោកត្រាំនិងសមភាគីចិនលោកស៊ីជីនពីងប្រសិនបើមេដឹកនាំទាំង២ជួបគ្នានារដូវស្លឹកឈើជ្រុះខាងមុខនេះ៕
ចែករំលែកព័តមាននេះ