ខេត្តកំពង់ស្ពឺ៖ បុរសម្នាក់បានស្លាប់នៅក្រោយផ្ទះកន្លែងចិញ្ចឹមសត្វមាន់~ទាខ្លួនឯង បង្កឱ្យមានការភ្ញាក់ផ្អើល ខណៈដែលកាលពីយប់ប្រាប់ប្រពន្ធថា ទៅមើលសត្វមាន់~ទាដែលបានរាយខ្សែរភ្លើងដើម្បីការពារខ្លាចមានចោរចូលលួច ប៉ុន្តែភ្លាត់ស្នៀតឆក់ខ្លួនឯងតែម្តង រហូតដល់ព្រឹកឡើងទើបដឹង ។ ការភ្ញាក់ផ្អើលបុរសម្នាក់ត្រូវបានខ្សែភ្លើងឆក់ស្លាប់ កាលពីព្រឹកថ្ងៃទី០៣…
ខេត្តកំពង់ស្ពឺ៖ បុរសម្នាក់បានស្លាប់នៅក្រោយផ្ទះកន្លែងចិញ្ចឹមសត្វមាន់~ទាខ្លួនឯង បង្កឱ្យមានការភ្ញាក់ផ្អើល ខណៈដែលកាលពីយប់ប្រាប់ប្រពន្ធថា ទៅមើលសត្វមាន់~ទាដែលបានរាយខ្សែរភ្លើងដើម្បីការពារខ្លាចមានចោរចូលលួច ប៉ុន្តែភ្លាត់ស្នៀតឆក់ខ្លួនឯងតែម្តង រហូតដល់ព្រឹកឡើងទើប
ដឹង ។
ការភ្ញាក់ផ្អើលបុរសម្នាក់ត្រូវបានខ្សែភ្លើងឆក់ស្លាប់ កាលពីព្រឹកថ្ងៃទី០៣ ខែសីហា ឆ្នាំ២០២៥ ចំណុចក្រោយផ្ទះខ្លួនឯង ស្ថិតនៅក្នុងភូមិស្រែគុយ ឃុំពោធិចំរើន ស្រុកបសេដ្ឋ ខេត្តកំពង់ស្ពឺ។
នគរបាលស្រុកបសេដ្ឋបាននិយាយឱ្យដឹងថា ជនរងគ្រោះមានឈ្មោះ ស៊ុន កុសល់ ភេទប្រុស អាយុ៣៤ឆ្នាំ រស់នៅភូមិ~ឃុំខាងលើ ជាមួយប្រពន្ធ និងក្រុមគ្រួសារ។ កាលពីល្ងាចជនរងគ្រោះ បានយកខ្សែភ្លើង ប្រវែង ២.៥ម៉ែត្រ (០២ម៉ែត្រកន្លះ) ចង់ជាប់និងសសរផ្ទះព័ទ្ឋទ្រុងមាន់ការពារខ្លាចក្រែងមានចោរលួច ហើយបានឆក់ស្លាប់ខ្លួនឯង។
បើយោងតាមការបំភ្លឺរបស់ប្រពន្ធជនរងគ្រោះ ឈ្មោះ យឿង ជ្រីម ភេទស្រី អាយុ៣៥ឆ្នាំ ថាប្តីខ្លួន មុនពេលកើតហេតុ ប្តីរបស់គាត់ពិតជាបានយកខ្សែភ្លើងហ៊ុព័ទ្ឋទ្រុងមាន់ទា ការពារចោរលួចប្រាកដមែន។ លុះរហូតដល់វេលាម៉ោង២៣.០០នាទីប្តីគាត់ បានប្រាប់ខ្លួនថា ចុះទៅមើលសត្វមាន់ទា ប៉ុន្តែពុំឃើញឡើងទៅដេកវិញ ខ្លួនស្មានតែប្តីនៅដេកក្រោមផ្ទះ ក៏មិនចាប់អារម្មណ៍ក៏ដេកលក់
ទៅ។
ស្ត្រីជាប្រពន្ធបានបន្តថា លុះព្រឹកឡើងគាត់ភ្ញាក់មិនឃើញប្តី ក៏ទៅមើលនៅក្រោយផ្ទះ ទើបឃើញប្តីស្លាប់ជាប់និងខ្សែភ្លើងដែលតកាលពីយប់មិញ នោះបាត់ហើយ ខ្លួនក៏បានបិទភ្លើង ដើម្បីយកសពចេញ និងបានបញ្ជាក់ថា ពុំមានពាក់ព័ន្ធនិងបទល្មើសអ្វីឡើយ។
នគរបាលស្រុកបសេដ្ឋបានប្រាប់ថា ក្រោយពីទទួលព័ត៌មានខាងលើ កំលាំងជំនាញបានចុះដល់កន្លែងកើតហេតុ និងមានសមាសភាពចូលរួមពិនិត្យសពឈ្មោះ(ស៊ុន កុសល់) ៖
១.អធិការរងព្រហ្មទណ្ឌស្រុកបសេដ្ឋ
២.លោក មេឃុំពោធិចំរើន
៣.លោក ប្រធានផ្នែកពិនិត្យកោសល្យវិច័យ
៤.លោក គ្រូពេទ្យមណ្ឌល
៥.លោក មេប៉ុស្តិពោធិចំរើន
៦.លោក មេភូមិ បានពិនិត្យឃើញថាសពជនរងគ្រោះពិតជាឆក់ខ្សែភ្លើងស្លាប់ដោយខ្លួនឯងពិតប្រាកដមែន និងមានកាបំភ្លឺពីឈ្មោះ យឿង ជ្រីម ភេទស្រី អាយុ៣៥ឆ្នាំ ជាប្រពន្ឋសព(ស៊ុន កុសល់)ថាប្តីខ្លួនមុនកើតហេតុពិតបានយកខ្សែភ្លើងព័ទ្ឋទ្រុងមាន់ការពារចោរលួចប្រាកដមែន។
នគរបាលស្រុកបសេដ្ឋបានបញ្ជាក់ ក្រោយពេលពិនិត្យសពជនរងគ្រោះ រួចរាល់ អាជ្ញាធរ និង នគរបាលបានប្រគល់ជូនក្រុមគ្រួសារសពយកធ្វើបុណ្យតាមប្រពៃណី៕
ចែករំលែកព័តមាននេះ