ប្រទេសរុស្ស៊ី ៖ ផេះយ៉ាងក្រាស់ព្រមទាំងពពកផ្សែងបានជះចេញឡើងលើដល់កម្ពស់ជាង៦០០០ម៉ែត្រ ពេលភ្នំភ្លើងKRACHENINNIKOV ស្ថិតនៅចុងបូព៌ារុស្ស៊ី ក្នុងឧបទ្វីបកាំឆាត់កាដែលដេកចាប់តាំងពីជាង៤៥០ឆ្នាំមកហើយ បានផ្ទុះកាលពីថ្ងៃទី៣សីហា។ តាមអាជ្ញាធររុស្ស៊ីថា ការផ្ទុះភ្នំភ្លើងនោះ មិននាំឲ្យមានការគំរាមកំហែងដល់អាយុជីវិតមនុស្សឡើយ…
ប្រទេសរុស្ស៊ី ៖ ផេះយ៉ាងក្រាស់ព្រមទាំងពពកផ្សែងបានជះចេញឡើងលើដល់កម្ពស់ជាង៦០០០ម៉ែត្រ ពេលភ្នំភ្លើងKRACHENINNIKOV ស្ថិតនៅចុងបូព៌ារុស្ស៊ី ក្នុងឧបទ្វីបកាំឆាត់កាដែលដេកចាប់តាំងពីជាង៤៥០ឆ្នាំមកហើយ បានផ្ទុះកាលពីថ្ងៃទី៣សីហា។
តាមអាជ្ញាធររុស្ស៊ីថា ការផ្ទុះភ្នំភ្លើងនោះ មិននាំឲ្យមានការគំរាមកំហែងដល់អាយុជីវិតមនុស្សឡើយ ព្រោះវាស្ថិតក្នុងតំបន់រហោរឋានមានប្រជាជនតិចតួចបំផុត។ ការផ្ទុះភ្នំភ្លើងនោះពុំគំរាមកំហែងដល់តំបន់មានប្រជាជនរស់នៅណាមួយទេ។
តាមកាសែតEURONEWSថា កំអែរនៅបន្តហូរចាក់មកចង្កេះភាគនិរតីនៃភ្នំភ្លើងនោះ ដែលមាន
កម្ពស់១៨៥៦ម៉ែត្រ។ ក្រសួងសភាពការណ៍បន្ទាន់រុស្ស៊ីបានអំពាវនាវដល់ មនុស្សម្នាចៀសវាងកុំទៅកាន់តំបន់នៅជុំវិញភ្នំភ្លើងនេះ និងកុំប៉ុនប៉ងឡើងភ្នំភ្លើងនេះ។
សម្រាប់ពេលនេះ មិនមានគ្រោះថ្នាក់នៃភ្លើងឆេះព្រៃទេ។ ស្ថានភាពភ្នំភ្លើងស្ថិតក្រោមការតាមដានពិនិត្យ ។ ពុំមានការគំរាមកំហែងដល់អាយុជីវិតរបស់បណ្ដាបុគ្គលិកការពារព្រៃ បណ្ដាហេដ្ឋារចនាសម្ព័ន្ធនិងផ្ទះសម្បែងឡើយ។ តាមទីភ្នាក់ងារព័ត៌មានរុស្ស៊ី INTERFAXថា ផេះភ្នំភ្លើងបានហុយដល់ចម្ងាយជាង៧៥គីឡូម៉ែត្រ ឆ្ពោះទៅទិសខាងកើត ៕
ចែករំលែកព័តមាននេះ