ចាប់តាំងពីតារា អ្នកល្បីល្បាញតាមបណ្តាញសង្គម និងសូម្បីតែយុវជនសាមញ្ញធម្មតាបានកំពុងបង្ហាញពីជំហរដ៏រឹងមាំរបស់ពួកគេ ដើម្បីបង្ហាញពិភពលោកថា ពួកគេរួបរួមគ្នាជាធ្លុងមួយ ដើម្បីសន្តិភាព និងយុត្តិធម៌ ហើយបានធ្វើការងារគ្រប់រូបភាពយ៉ាងត្រឹមត្រូវ ដើម្បីសម្រេចការចង់បានរបស់ពួកគេ ។…
ចាប់តាំងពីតារា អ្នកល្បីល្បាញតាមបណ្តាញសង្គម និងសូម្បីតែយុវជនសាមញ្ញធម្មតាបានកំពុងបង្ហាញពីជំហរដ៏រឹងមាំរបស់ពួកគេ ដើម្បីបង្ហាញពិភពលោកថា ពួកគេរួបរួមគ្នាជាធ្លុងមួយ ដើម្បីសន្តិភាព និងយុត្តិធម៌ ហើយបានធ្វើការងារគ្រប់រូបភាពយ៉ាងត្រឹមត្រូវ ដើម្បីសម្រេចការចង់បានរបស់ពួកគេ ។
ក្នុងស្ថានភាព ដែលប្រទេសកម្ពុជាប្រឈមនឹងការឈ្លានពានពីសំណាក់ថៃ នាពេលថ្មីៗនេះ យុវជនកម្ពុជាបានបង្ហាញថា ពួកគេមានស្មារតីជាតិខ្ពស់ និងការប្តេជ្ញាចិត្តដ៏រឹងមាំក្នុងការការពារសន្តិភាព និងអធិបតេយ្យភាពជាតិ ។
យុវជនកម្ពុជា បានរួមគ្នាសំឡេងជាធ្លុងមួយ ដើម្បីបង្ហាញឱ្យពិភពលោកឃើញថា ពួកគេតែងតែស្នើសុំសន្តិភាព និងច្រានចោលអំពើហិ.ង្សា ។ ការរួបរួមនេះ បានឆ្លុះបញ្ចាំងពីការសាមគ្គីជាតិ ក្នុងស្ថានភាពលំបាក និងជាកម្លាំងចិត្តដ៏មានន័យដល់កងទ័ពកម្ពុជា ដែលស្ថិតនៅជួរមុខ ។
លើសពីនេះទៀត យុវជនកម្ពុជា ក៏បានធ្វើសកម្មភាពយ៉ាងសកម្ម ក្នុងការរៀបចំយុទ្ធនាការផ្សេងៗ ដើម្បីរកជំនួយ និងគាំទ្រដល់កងទ័ពជួរមុខតាមរយ:ការប្រមូលបានទាំងស្បៀងអាហារ ឱសថ ព្រមទាំងថវិកាផ្សេងៗសម្រាប់ផ្តល់ជាកម្លាំងចិត្ត និងគាំទ្រដល់កងទ័ព និងជនភៀសខ្លួន ។
កិច្ចការសំខាន់មួយទៀត ដែលយុវជនកម្ពុជាបានបង្ហាញជាភស្តុតាងដ៏ច្បាស់លាស់នោះ គឺការប្រព្រឹត្តសកម្មភាពប្រកបដោយការទទួលខុសត្រូវ ដើម្បីប្រយោជន៍ជាតិ ។ ពួកគេបានចូលរួមយ៉ាងសកម្មក្នុងការចងសាមគ្គី ជំរុញការអភិវឌ្ឍប្រទេស និងលើកកម្ពស់ការយល់ដឹងរបស់សាធារណជនអំពីស្ថានភាពបច្ចុប្បន្នដោយគ្មានការបំភាន់ ឬបង្កចលាចលឡើយ ។
សកម្មភាពទាំងនេះ បានបង្ហាញថា យុវជនកម្ពុជាកំពុងខ្លាំង រួបរួម និងធ្វើរឿងត្រឹមត្រូវជានិច្ច ដើម្បីការពារប្រទេស និងថែរក្សាសន្តិភាពជាតិអោយបាន ។ យុវជនកម្ពុជារឹងមាំនឹងក្លាយជាមូលដ្ឋានសម្រាប់ប្រទេសរឹងមាំ ៕
ចែករំលែកព័តមាននេះ