ខេត្តព្រៃវែង ៖ បុរសជនជាតិចិនម្នាក់ បានប្រកាច់ស្លាប់ភ្លាមៗនៅហ្នឹងកន្លែង ដោយសារត្រូវដែកដងស្ទូចមួយកំណា ដាច់ធ្លាក់ពីលើអគារកម្ពស់6ជាន់ ត្រូវចំក្បាលផុងធ្លាយខួរ ក្នុងពេលដែលជនរងគ្រោះកំពុងអង្គុយសម្រាកនៅខាងមុខអគារ។ ហេតុការណ៍នេះ បានកើតឡើងកាលពីវេលាម៉ោង12…
ខេត្តព្រៃវែង ៖ បុរសជនជាតិចិនម្នាក់ បានប្រកាច់ស្លាប់ភ្លាមៗនៅហ្នឹងកន្លែង ដោយសារត្រូវដែកដងស្ទូចមួយកំណា ដាច់ធ្លាក់ពីលើអគារកម្ពស់6ជាន់ ត្រូវចំក្បាលផុងធ្លាយខួរ ក្នុងពេលដែលជនរងគ្រោះកំពុងអង្គុយសម្រាកនៅខាងមុខអគារ។
ហេតុការណ៍នេះ បានកើតឡើងកាលពីវេលាម៉ោង12 ថ្ងៃត្រង់ ថ្ងៃទី 2 សីហា នៅក្នុងការដ្ឋានចិនមួយកន្លែង ដែលកំពុងសាងសង់អគារកាស៊ីណូ ស្ថិតនៅក្បែរមាត់ច្រកទ្វារព្រំដែនអន្តរជាតិម៉ឺនជ័យ ក្នុងភូមិត្បូងវត្ត ឃុំក្របៅ ស្រុកកំចាយមារ ខេត្តព្រៃវែង។
ជនរងគ្រោះដែលស្លាប់បាត់បង់ជីវិតមានឈ្មោះ XIE YINGKAI ភេទប្រុសអាយុ 24 ឆ្នាំជាជនជាតិចិន មានស្រុកកំណើតនៅក្រុងស៊ីឈុន ប្រទេសចិន នឹងមានមុខរបរជាបុគ្គលិកនៅក្នុងកាស៊ីណូដែលកំពុងសាងសង់។
តាមរបាយការណ៍របស់សមត្ថកិច្ច ដែលបានចុះទៅត្រួតពិនិត្យនៅកន្លែងកើតហេតុ បានឲ្យដឹងថា នៅមុនពេលកើតហេតុនោះ ក្រុមជាងកំពុងស្ទូចម៉ាស៊ីនត្រជាក់ យកទៅបំពាក់នៅជញ្ជាំងកាស៊ីណូនៅជាន់ទី 6 ចំណែកជនរងគ្រោះ ពេលសម្រាកពីការងារ បានដើរទៅអង្គុយលេងនៅខាងមុខអគារ ខាងក្រោមទីតាំងដែលគេកំពុងស្ទូចម៉ាស៊ីនត្រជាក់បំពាក់តាមជញ្ជាំងកាស៊ីណូនោះ ហើយរំពេចនោះដងស្ទូចម៉ាស៊ីនត្រជាក់បានដាច់ខ្ចៅ ហើយធ្លាក់ដែកដងស្ទូចមួយកំណាត់មកក្រោម ត្រូវចំក្បាលបុរសរងគ្រោះ បណ្ដាលឲ្យផុងលលាដ៍ប្រកាច់ស្លាប់ភ្លាមៗតែម្ដង។
ក្រោយពីកើតហេតុភ្លាមៗសមត្ថកិច្ចខេត្តព្រៃវែងបានចុះទៅដល់កន្លែងកើតហេតុ ធ្វើការត្រួតពិនិត្យទៅតាមជំនាញរួច បានប្រគល់សាកសពទៅឱ្យនាយកដ្ឋានបច្ចេកទេសនិងវិទ្យាសាស្ត្រ នាំយកសាកសពទៅតម្កល់ទុកនៅវត្តទឹកថ្លា រាជធានីភ្នំពេញ ៕
ចែករំលែកព័តមាននេះ