ខេត្តបន្ទាយមានជ័យ ៖ កាលពីថ្ងៃទី៣ ខែសីហា ឆ្នាំ២០២៥នេះ ប្រជាកសិករខេត្តបន្ទាយមានជ័យដែលជាខេត្តជាប់ជាយដែន ឆ្នាំនេះ លក់ស្រូវនាំគ្នាយកប្រាក់រៀល ក្រោយសង្គ្រាមឈ្លានពីជនជាតិសៀម។ ប្រជាកសិករបានប្រាប់ថា…
ខេត្តបន្ទាយមានជ័យ ៖ កាលពីថ្ងៃទី៣ ខែសីហា ឆ្នាំ២០២៥នេះ ប្រជាកសិករខេត្តបន្ទាយមានជ័យដែលជាខេត្តជាប់ជាយដែន ឆ្នាំនេះ លក់ស្រូវនាំគ្នាយកប្រាក់រៀល ក្រោយសង្គ្រាមឈ្លានពីជនជាតិសៀម។
ប្រជាកសិករបានប្រាប់ថា ខេត្តបន្ទាយមានជ័យដែលជាខេត្តជាប់ជាយដែនប្រជាកសិករនិងឈ្មួញទិញស្រូវភាគច្រើនទិញលក់ចាយប្រាក់បាត តែពេលនេះប្រជាកសិករបាននាំគ្នាសម្រេចចិត្តនាំគ្នាឈប់ចាយលុយបាត ដោយចាយតែប្រាក់រៀលកម្ពុជាក្រោយសង្គ្រាមឈ្លានពានពីប្រទេសសៀមមកលើកម្ពុជារហូតដល់ទំនិញសៀមដែលឈ្មួញលក់សេសសល់ការនាំចូលពីមុនត្រូវបានឈប់ទិញដែរគឺទិញតែកម្ពុជានិងទំនិញប្រទេសជាមិត្ត ។
ប្រជាកសិករបានបញ្ជាក់ថា ស្រូវប្រភេទ៥១និង៥៤រឺអូរអឹមកាលពីចុងខែកក្តដា ឆ្នាំ២០២៥ប្រជាកសិករប្រមូលផលលក់ក្នុង១តោនតំលៃបាន៨៥ទៅ៨៦ម៉ឺនរៀលនៅដើមខែសីហា ឆ្នាំ២០២៥នេះឈ្មួញទិញទំលាក់តំលៃ៧៥ទៅ៧៦ម៉ឺនរៀល ស្រូវស្រង៉ែ១តោនតំលៃ៩០ម៉ឺនរៀល ពេលនេះធ្លាក់តំលៃ១តោនតំលៃ៨៨ម៉ឺនរៀលហើយមានរោងម៉ាស៊ីនខ្លៈអត់ទិញស្រូវប្រជាកសិករផ្ទាល់នោះទេគឺទិញចូលតែកូនដៃរឺឈ្មួញកណ្តាលរបស់ពួកគេដែលចុះទិញស្រូវប្រជាកសិករឡើងចុះតំលៃតាមមាត់ថាពិតជាលំបាក់ដល់ប្រជាកសិករបង្កបង្កើនផលស្រូវបានហើយតំលៃស្រូវឈ្មួញកណ្តាលទិញតំលៃចុះរាល់ថ្ងៃសុំអោយក្រសួងនិងមន្ទីជំនាញចុះពិនិត្យនិងកំណត់តំលៃអោយបានច្បាស់លាស់។
លោក ប៉ុក ឡាយជី ប្រធានមន្ទីពាណិជ្ជកម្មខេត្តបន្ទាយមានជ័យបានបញ្ជាក់ថា៖ប្រជាកសិករដែលលក់ស្រូវឆ្នាំនេះ ត្រូវបានទិញ-លក់ជាប្រាក់រៀលវិញ ដោយស្មារតីរបស់ពលរដ្ឋបានសម្រេចចាយប្រាក់រៀលឈប់ចាយប្រាក់ថៃ ។
ជាក់ស្តែងពេលនេះប្រជាកសិករប្រមូលផលដំបូងស្រូវប្រភេទ៥១និង៥៤(អូរអឹម)ឈ្មួញទិញ១តោនតំលៃ៨៦ម៉ឺនរៀល តែពេលនេះឈ្មួញត្រូវបានទិញបញ្ជុះតំលៃក្រោម៨០ម៉ឺនរៀលហើយមន្ទីជំនាញកំពុងអោយមន្ត្រីជំនាញចុះពិនិត្យមើលនិងណែនាំអោយទិញស្រូវប្រជាកសិករតាមតំលៃអោយល្អប្រសើរហើយមិនអោយឡើងចុះតាមតែអំពើរចិត្តនោះទេ៕
ចែករំលែកព័តមាននេះ