ខេត្តកំពង់ស្ពឺ៖ ក្រុមអ្នកញៀនល្បែងជល់មាន់ចំនួន០៣នាក់ត្រូវបានកម្លាំងនគរបាលឆ្មក់បង្ក្រាបបាន ខណៈដែលច្រើននាក់ផ្សេងទៀតបានរត់បាតជើងសព្រាត ខណៈដែលកំពុងតែប្រមូលផ្តុំគ្នាលេងជល់មាន់ក្នុងសង្វៀនមួយកន្លែងក្នុងឃុំស្តុក ស្រុកគងពិសី ។ ការបង្ក្រាបសង្វៀនជល់មាន់ឃាត់បានអ្នកញៀនល្បែងចំនួន០៣នាក់ បានធ្វើឡើងកាលពីវេលាម៉ោង១២និង២៥ថ្ងៃត្រង់ថ្ងៃទី០២ ខែកក្កដា ឆ្នាំ២០២៥…
ខេត្តកំពង់ស្ពឺ៖ ក្រុមអ្នកញៀនល្បែងជល់មាន់ចំនួន០៣នាក់ត្រូវបានកម្លាំងនគរបាលឆ្មក់បង្ក្រាបបាន ខណៈដែលច្រើននាក់ផ្សេងទៀតបានរត់បាតជើងសព្រាត ខណៈដែលកំពុងតែប្រមូលផ្តុំគ្នាលេងជល់មាន់ក្នុងសង្វៀនមួយកន្លែងក្នុងឃុំស្តុក ស្រុកគងពិសី ។
ការបង្ក្រាបសង្វៀនជល់មាន់ឃាត់បានអ្នកញៀនល្បែងចំនួន០៣នាក់ បានធ្វើឡើងកាលពីវេលាម៉ោង១២និង២៥ថ្ងៃត្រង់ថ្ងៃទី០២ ខែកក្កដា ឆ្នាំ២០២៥ នៅចំណុចភូមិថ្មី ឃុំស្តុក ស្រុកគងពិសី ខេត្តកំពង់ស្ពឺ។
នគរបាលស្រុកគងពិសីបាននិយាយឱ្យដឹងថា ក្រុមអ្នកញៀនល្បែងជល់ដែលឃាត់ខ្លួនបានមានឈ្មោះ ១~ឈ្មោះ ប៉ោក វ៉ាន ភេទប្រុស អាយុ៥៣ឆ្នាំ នៅភូមិត្រពាំងសំរោង ឃុំភារីមានជ័យ ស្រុកបសេដ្ឋ ខេត្តកំពង់ស្ពឺ ។ ២~ឈ្មោះ អ៊ុច រឿន ភេទប្រុសអាយុ៤៦ឆ្នាំ នៅភូមិព្រៃងោង ឃភារីមាជ័យ ស្រុកបសេដ្ឋ ខេត្តកំពង់ស្ពឺ ។ ៣~ឈ្មោះ សេង ចាន់ដាវ ភេទប្រុសអាយុ២៥ឆ្នាំនៅភូមិត្រពាំងស្យា ឃុំស្វាយរំពារ ស្រុកបសេដ្ឋ ខេត្តកំពង់ស្ពឺ។
នគរបាលស្រុកគងពិសីបានបន្តថា មុនឈានដល់ការឃាត់ខ្លួនក្រុមអ្នកញៀនល្បែងខាងលើ គឺកម្លាំងអធិការដ្ឋាននគរបាលស្រុកគងពិសី បានសហការជាមួយកម្លាំងប៉ុស្តិនគរបាលរដ្ឋបាលឃុំស្តុក បានឆ្មក់បង្ក្រាបសង្វៀនល្បែងស៊ីសង(មាន់ជល់ផ្ទាល់ដី) ត្រង់ចំណុចភូមិថ្មី ឃុំស្ដុក ស្រុកគងពិសី ខេត្តកំពង់ស្ពឺ ឃាត់ខ្លួនមនុស្ស ចំនួន០៣នាក់ ច្រើននាក់ទៀតរត់គេចខ្លួនអស់។ ក្រោយបង្ក្រាបទីតាំងខាងលើកម្លាំងនគរបាលដកហូតវត្ថុតាង÷
១/ម៉ូតូ០១គ្រឿងម៉ាកហុងដាវ៉េវ ពណ៌ក្រហម គ្មានស្លាកលេខ
២/ជញ្ជីងថ្លឹងមាន់ចំនួន០១
៣/សង្វៀនជល់មាន់០១
៤/ស្បែកជើង០៥គូ
៥ចង្ក្រានហ្គាស០១
៦/ស៊ីរាងបាញ់ទឹកមាន់០១
៧/ជើងម៉ា០១
៨/ទូរស័ព្ទដៃ ម៉ាកអូបប៉ូ ពណ៌ខ្មៅ០១គ្រឿង
បច្ចុប្បន្ន ក្រុមអ្នកញៀនល្បែងខាងលើ កម្លាំងជំនាញកំពុងកសាងសំណុំរឿងបញ្ជូនទៅស្នងការដ្ឋាននគរបាលខេត្តចាត់ការបន្តតាមផ្លូវច្បាប់៕
ចែករំលែកព័តមាននេះ