រាជធានីភ្នំពេញ ៖ សម្តេចតេជោ ហ៊ុន សែនបានបង្ហោះសារនាមុននេះបន្តិចថា ៖ យោងតាមសេចក្តីប្រកាសរបស់អ្នកនាំពាក្យក្រសួងការពារជាតិមុននេះបន្តិចបានបង្ហាញថា មានលទ្ធភាពជាច្រើនដែលកងទ័ពថៃអាចប្រើកម្លាំងយោធាវាយមកលើកម្ពុជានៅវេលាយប់នេះ ។

សម្តេចតេជោ បានបន្តថា ដោយសភាពការណ៍បែបនេះ ខ្ញុំមិនអាចដឹកនាំប្រជុំព្រឹទ្ធសភា នៅព្រឹកថ្ងៃទី៤ ខែសីហា ស្អែកនេះបានទេ បើទោះមានការប្រយុទ្ធ ឬគ្មានការប្រយុទ្ធគ្នាក៏ដោយ ព្រោះខ្ញុំត្រូវប្រចាំការរួមបញ្ជាកងទ័ព២៤ម៉ោង លើ២៤ម៉ោងបន្តទៀត ។

ដូចនេះការប្រជុំព្រឹទ្ធសភាត្រូវប្រព្រឹត្តទៅក្រោមអធិបតីភាពឯកឧត្តមអ៊ុច បូរិទ្ធ អនុប្រធានទី១នៃព្រឹទ្ធសភា ។
សម្តេចតេជោ បានបញ្ជាក់ទៀតថា ម្យ៉ាងទៀត ខ្ញុំសូមការយោគយល់ជាមុនពីបងប្អូនដែលជូនសារជូនពរថ្ងៃកំណើតខ្ញុំ (៥សីហា២០២៥)ដែលខ្ញុំមិនអាចបើកមើល ឬបើកមើលហើយ តែមិនបានឆ្លើយតបព្រោះជាប់រវល់រឿងសង្គ្រាម និងសន្តិភាពដែលជារឿងស្លា.ប់រស់របស់ជាតិ៕
ចែករំលែកព័តមាននេះ