រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា បានគូសបញ្ជាក់ថា សម្តេចត្រូវប្រចាំការ រួមបញ្ជាកងទ័ព២៤ម៉ោង លើ២៤ម៉ោងចំពោះការប្រកាសរបស់ថៃថា…
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា បានគូសបញ្ជាក់ថា សម្តេចត្រូវប្រចាំការ រួមបញ្ជាកងទ័ព២៤ម៉ោង លើ២៤ម៉ោងចំពោះការប្រកាសរបស់ថៃថា នឹងវាយកម្ពុជាជាថ្មី ។
សម្តេចតេជោ បានសរសេរលើបណ្តាញសង្គម នៅមុននេះ មានខ្លឹមថាយ៉ាងដូច្នេះ ៖ យោងតាមសេចក្តីប្រកាសរបស់អ្នកនាំពាក្យក្រសួងការពារជាតិមុននេះបន្តិចបានបង្ហាញថា មានលទ្ធភាពជាច្រើនដែលកងទ័ពថៃ អាចប្រើកម្លាំងយោធាវាយមកលើកម្ពុជានៅវេលាយប់នេះ ។
សម្តេចបានបញ្ជាក់ថា៖«ដោយសភាពការណ៍បែបនេះ ខ្ញុំមិនអាចដឹកនាំប្រជុំព្រឹទ្ធសភា នៅព្រឹកថ្ងៃទី៤ ខែសីហា ស្អែកនេះបានទេ បើទោះមានការប្រយុទ្ធ ឬគ្មានការប្រយុទ្ធគ្នាក៏ដោយ ព្រោះខ្ញុំត្រូវប្រចាំការរួមបញ្ជាកងទ័ព២៤ម៉ោង លើ២៤ម៉ោងបន្តទៀត ។
ដូចនេះការប្រជុំព្រឹទ្ធសភា ត្រូវប្រព្រឹត្តទៅក្រោមអធិបតីភាពឯកឧត្តម អ៊ុច បូរិទ្ធ អនុប្រធានទី១ នៃព្រឹទ្ធសភា ។ ម្យ៉ាងទៀត ខ្ញុំសូមការយោគយល់ជាមុនពីបងប្អូនដែលជូនសារជូនពរថ្ងៃកំណើតខ្ញុំ(៥សីហា២០២៥)ដែលខ្ញុំមិនអាចបើកមើល ឬបើកមើលហើយតែមិនបានឆ្លើយតបព្រោះជាប់រវល់រឿងសង្គ្រាម និងសន្តិភាពដែលជារឿងស្លា.ប់រស់របស់ជាតិ ៕
ចែករំលែកព័តមាននេះ