រាជធានីភ្នំពេញ ៖ វីដេអូ(ដូចរូបភាព)នេះ ត្រូវបានជនខិលខូចប្រើបច្ចេកវិទ្យា AI បង្កើតឡើង ដើម្បីបំភាន់សាធារណមតិឱ្យយល់ច្រឡំពាក់ព័ន្ធនឹងសន្តិសុខជាតិ។ ម្យ៉ាងវិញទៀត ការបង្កើតមាតិកានេះ បានធ្វើឱ្យប៉ះពាល់ដល់ឈ្មោះ…
រាជធានីភ្នំពេញ ៖ វីដេអូ(ដូចរូបភាព)នេះ ត្រូវបានជនខិលខូចប្រើបច្ចេកវិទ្យា AI បង្កើតឡើង ដើម្បីបំភាន់សាធារណមតិឱ្យយល់ច្រឡំពាក់ព័ន្ធនឹងសន្តិសុខជាតិ។ ម្យ៉ាងវិញទៀត ការបង្កើតមាតិកានេះ បានធ្វើឱ្យប៉ះពាល់ដល់ឈ្មោះ រូបភាព កិត្តិយសរបស់ទូរទស្សន៍ជាតិកម្ពុជា ដែលជាប្រព័ន្ធផ្សព្វផ្សាយផ្លូវការរបស់រដ្ឋ ។
ក្រសួងព័ត៌មាន សូមអំពាវនាវដល់អ្នកប្រើប្រាស់បណ្តាញទំនាក់ទំនងសង្គមទាំងអស់ ជាពិសេសម្ចាស់គណនីខាងលើ លុបវីដេអូខាងលើ និងបញ្ឈប់ជាបន្ទាន់រាល់ការបង្កើតព័ត៌មានក្លែងក្លាយពាក់ព័ន្ធនឹងការប្រើប្រាស់រូបសញ្ញា (Logo) ឈ្មោះរបស់ក្រសួង ស្ថាប័ន និងអង្គភាពផ្លូវការនានា ក្នុងគោលបំណងកេងចំណេញផ្នែកណាមួយឬបង្ខូចរូបភាព កេរ្តិ៍ឈ្មោះរបស់អង្គភាពស្ថាប័ននោះ ។
ក្រសួងព័ត៌មាន អគ្គនាយកដ្ឋានទូរទស្សន៍ជាតិកម្ពុជា កំពុងសហការជាមួយសមត្ថកិច្ចពាក់ព័ន្ធ ដើម្បីស្វែងរកអ្នកពាក់ព័ន្ធនឹងករណីបង្កើតព័ត៌មានក្លែងក្លាយមកទទួលខុសត្រូវចំពោះមុខច្បាប់ជាធរមាន ៕
ចែករំលែកព័តមាននេះ