ADផ្ទាំងផ្សព្វផ្សាយពាណិជ្ជកម្ម

Picture

ត្រាំ​បញ្ជា​ឱ្យ​ចល័ត​នាវា​នុយ​ក្លេ​អ៊ែរ​បន្ទាប់​ពី​ប៉ះ​ពារ​ពាក្យ​សម្ដី​ជាមួយ​រុស្ស៊ី

13 ម៉ោង មុន

ទី​ក្រុង​វ៉ាស៊ីនតោន៖ លោក​ត្រាំ​ថ្លែង​ថា​លោក​បាន​បញ្ជា​ឱ្យ​ចល័ត​នាវា​មុជ​ទឹក​នុយ​ក្លេអ៊ែរ​២​គ្រឿង​ទៅ​ដាក់​នៅ​ទី​តាំង​ដ៏​សម​គួរ​បន្ទាប់​ពី​​​អតីត​ប្រធានា​ធិបតី​រុស្ស៊ី​ លោក​មេត​វេដេវ (Medvedev) បំផ្លោង​វោហារ​សាស្ត្រ​ខ្លាំង​ៗ​ថា​ប្រយ័ត្ន​ផ្ទុះ​សង្គ្រាម​នុយ​ក្លេអ៊ែរ​រវាង​មហា​អំណាច​ទាំង​២​។ ក្រុម​អ្នក​វិភាគ​ចាត់​ទុក​សម្ដី​របស់​លោកត្រាំ​ត្រង់​ចំណុច​នេះ​ជា​ការ​បង្កើន​វោហារ​សាស្ត្រ​ដាក់​គ្នា​ដើម្បី​កុំ​ឱ្យ​ចាញ់​ប្រៀប​ទី​ក្រុង​ម៉ូស្គូ​។ ប៉ុន្តែ​នៅ​ក្នុង​ផ្នែក​យោធា​មិន​ចាំ​បាច់​ធ្វើ​ដូច្នេះ​ទេ​ព្រោះ​អាមេរិក​ដាក់​ពង្រាយ​នាវា​មុជ​ទឹក​នុយ​ក្លេអ៊ែរ​គ្រប់​ទី​កន្លែង​ ចង់​វាយ​ប្រហារ​រុស្ស៊ី​ថ្មើរ​ណា​ក៏​បាន​ដែរ​។​ សូម​រំលឹក​ថា​លោក​មេត​វេដេវ​ជា​បុរស​កន្តឿ​ដែល​ពូកែ​វោហារ​ម្នាក់​នេះ​ថ្លែង​កាល​ពី​ថ្ងៃ​ព្រហស្បតិ៍​ថា​លោក​ត្រាំ​គួរ​ដឹង​ថា​​​រុស្ស៊ី​មាន​សមត្ថ​ភាព​វាយ​ប្រហារ​ដោយ​អាវុធ​នុយ​ក្លេអ៊ែរ​តាំង​ពី​សម័យ​សហ​ភាព​សូវៀត​។ លោក​ថ្លែង​ដូច្នេះ​បន្ទាប់​ពី​លោក​ត្រាំ​ផ្ដាំ​ទៅ​គាត់​ថា​ឱ្យ​ប្រយ័ត្ន​សម្ដី​។…

ទី​ក្រុង​វ៉ាស៊ីនតោន៖ លោក​ត្រាំ​ថ្លែង​ថា​លោក​បាន​បញ្ជា​ឱ្យ​ចល័ត​នាវា​មុជ​ទឹក​នុយ​ក្លេអ៊ែរ​២​គ្រឿង​ទៅ​ដាក់​នៅ​ទី​តាំង​ដ៏​សម​គួរ​បន្ទាប់​ពី​​​អតីត​ប្រធានា​ធិបតី​រុស្ស៊ី​ លោក​មេត​វេដេវ (Medvedev) បំផ្លោង​វោហារ​សាស្ត្រ​ខ្លាំង​ៗ​ថា​ប្រយ័ត្ន​ផ្ទុះ​សង្គ្រាម​នុយ​ក្លេអ៊ែរ​រវាង​មហា​អំណាច​ទាំង​២​។ ក្រុម​អ្នក​វិភាគ​ចាត់​ទុក​សម្ដី​របស់​លោកត្រាំ​ត្រង់​ចំណុច​នេះ​ជា​ការ​បង្កើន​វោហារ​សាស្ត្រ​ដាក់​គ្នា​ដើម្បី​កុំ​ឱ្យ​ចាញ់​ប្រៀប​ទី​ក្រុង​ម៉ូស្គូ​។ ប៉ុន្តែ​នៅ​ក្នុង​ផ្នែក​យោធា​មិន​ចាំ​បាច់​ធ្វើ​ដូច្នេះ​ទេ​ព្រោះ​អាមេរិក​ដាក់​ពង្រាយ​នាវា​មុជ​ទឹក​នុយ​ក្លេអ៊ែរ​គ្រប់​ទី​កន្លែង​ ចង់​វាយ​ប្រហារ​រុស្ស៊ី​ថ្មើរ​ណា​ក៏​បាន​ដែរ​។​

សូម​រំលឹក​ថា​លោក​មេត​វេដេវ​ជា​បុរស​កន្តឿ​ដែល​ពូកែ​វោហារ​ម្នាក់​នេះ​ថ្លែង​កាល​ពី​ថ្ងៃ​ព្រហស្បតិ៍​ថា​លោក​ត្រាំ​គួរ​ដឹង​ថា​​​រុស្ស៊ី​មាន​សមត្ថ​ភាព​វាយ​ប្រហារ​ដោយ​អាវុធ​នុយ​ក្លេអ៊ែរ​តាំង​ពី​សម័យ​សហ​ភាព​សូវៀត​។ លោក​ថ្លែង​ដូច្នេះ​បន្ទាប់​ពី​លោក​ត្រាំ​ផ្ដាំ​ទៅ​គាត់​ថា​ឱ្យ​ប្រយ័ត្ន​សម្ដី​។ លោក​ត្រាំ​ថ្លែង​ថា​ដោយ​​សារសម្ដី​បង្ក​ហេតុ​របស់​អតីត​ប្រធានា​ធិបតី​រុស្ស៊ី​ លោក​ឌី​មីទ្រី មេត​វេ​ដេវ លោក​បាន​បញ្ជា​ឱ្យ​ចល័ត​នាវា​មុជ​ទឹក​នុយ​ក្លេអ៊ែរ​២​គ្រឿង​ដើម្បី​បង្ការ​ទុក​ជា​មុន​ក្រែង​លោ​ពាក្យ​សម្ដី​ដ៏​ឆ្កួត​លេលា​នេះ​​ក្លាយ​ជា​ការ​ពិត​។

លោក​ត្រាំ​ថ្លែង​បន្ត​ទៀត​ថា​ពាក្យ​សម្ដី​សំខាន់​ណាស់​។ កាល​ណា​និយាយ​អ្វី​មិន​ស្រួល​អាច​បង្ក​ជា​ផល​វិបាក​ដោយ​មិន​ដឹង​ខ្លួន​។ លោក​សង្ឃឹម​ថា​លើក​នេះនឹង​មិន​មាន​អ្វី​កើត​ឡើង​ទៅ​ចុះ​។ នៅ​ពេល​អ្នក​សារ​ព័ត៌​មាន​សាក​សួរ​អំពី​បញ្ហា​នេះ លោក​ត្រាំ​ឆ្លើយ​ថា​លោក​មេត​វេ​ដេវ​បាន​ប្រើ​ប្រាស់​ភាសា​​​គំរាម​កំហែង​។​ ដូច្នេះ យើង​ត្រូវ​តែ​ចាត់​វិធាន​ការដើម្បី​ការ​ពារ​ប្រជា​ជន​របស់​យើង​។​

ការ​ថ្លែង​របស់​លោក​ត្រាំ​ធ្វើ​ឡើង​នៅ​ក្នុង​ស្ថាន​ភាព​ដែល​កំពុង​មាន​ភាព​តាន​តឹង​កាន់​តែ​ខ្លាំង​ឡើង​ៗ​រវាង​ម៉ូស្គូ និង​វ៉ាស៊ីនតោន​។ លោក​ត្រាំ​ចាប់​ផ្ដើម​មួរ​ម៉ៅ​ក្ដៅ​ក្រហាយ​កាន់​តែ​ខ្លាំង​នឹង​ការ​ចរ​ចា​បញ្ហា​អ៊ុយ​ក្រែន​ដែល​មិន​រីក​ចម្រើន​ទៅ​មុខ​ទាល់​តែ​សោះ​។ ជួប​គ្នា​បី​ដង​គ្មាន​បាន​អ្វី​ក្រៅ​ពី​យល់​ព្រម​ដូរ​ឈ្លើយ​សឹក​គ្នា​ទៅ​វិញ​ទៅ​មក។ ចំណែក​បញ្ហា​ធំ​ៗ​ដូច​ជា​បទ​ឈប់បាញ់​ជា​ដើម​បែរ​ជា​គ្មាន​សាច់​ការ​ទាល់​តែ​សោះ​។

ហេតុ​នេះ​ត្រាំ​ដាក់​ឱសាន​វាទ​ត្រឹម​ថ្ងៃ​ទី​៨ ខែ​សីហា​ខាង​មុខ​នេះ​ត្រូវ​តែ​មាន​ដំណោះ​ស្រាយ​។ បើ​មិន​ដូច្នេះ​ទេ គាត់​នឹង​ដាក់​ទណ្ឌ​កម្ម​រុស្ស៊ី​។ ប្រទេស​ដែល​ទិញ​ទំនិញ​រុស្ស៊ី​ក៏​ជាប់​ទណ្ឌ​កម្ម​ដូច​គ្នា​។ លោក​ត្រាំ​មិន​បាន​បញ្ជាក់​ថា​តើ​នា​វា​មុជ​ទឹក​នុយ​ក្លេអ៊ែរ​នេះ​ជា​ប្រភេទ​នាវា​អ្វី​ទេ​​។ នាវា​ប្រភេទ​នេះ​​អាច​ដើរ​ដោយ​ថាម​ពល​នុយ​ក្លេអ៊ែរ​ផង និង​បំពាក់​ក្បាល​គ្រាប់​នុយ​ក្លេអ៊ែរ​ថែម​ទៀត​៕​

អត្ថបទសរសេរ ដោយ

កែសម្រួលដោយ