ខេត្តតាកែវ៖ ពលករខ្មែរដែលទើបត្រឡប់មកស្រុកវិញ ទទួលបានឱកាសការងារជិត១ពាន់កន្លែង នៅក្នុងភូមិសាស្ដ្រខេត្តកែវ ជាមួយនឹងក្រុមហ៊ុន សហគ្រាស និងរោងចក្រ ជាដើម។ យោងតាមក្រសួងព័ត៌មាន…
ខេត្តតាកែវ៖ ពលករខ្មែរដែលទើបត្រឡប់មកស្រុកវិញ ទទួលបានឱកាសការងារជិត១ពាន់កន្លែង នៅក្នុងភូមិសាស្ដ្រខេត្តកែវ ជាមួយនឹងក្រុមហ៊ុន សហគ្រាស និងរោងចក្រ ជាដើម។
យោងតាមក្រសួងព័ត៌មាន បានឱ្យដឹងថាទីភ្នាក់ងារជាតិមុខរបរ និងការងារ(NEA) នៃក្រសួងការងារ និងបណ្តុះបណ្តាលវិជ្ជាជីវៈ និងមន្ទីរការងារ និងបណ្ដុះបណ្ដាលវិជ្ជាជីវៈខេត្តតាកែវ បានសហការជាមួយរដ្ឋបាលខេត្តតាកែវ និងរដ្ឋបាលស្រុកត្រាំកក់ បានបើក «វេទិកាការងារ» ដើម្បីផ្សព្វផ្សាយ និងនាំយកឱកាសការងារដល់អតីតពលករខ្មែរមកពីប្រទេសថៃ និងអ្នកស្វែងរកការងារនៅក្នុងមូលដ្ឋានសរុបចំនួន ២៥៩នាក់ នៅសាលាស្រុកត្រាំកក់ នៅថ្ងៃទី០១ ខែសីហា ឆ្នាំ២០២៥។
ក្រសួង បានបញ្ជាក់ថា វេទិកាការងារនេះផ្ដល់ឱកាសសម្រាប់ប្រជាពលរដ្ឋនៅមូលដ្ឋាន ជាពិសេស ពលករខ្មែរដែលបានវិលត្រឡប់មកពីប្រទេសថៃ ដើម្បីសម្ភាសការងារភ្លាមៗជាមួយក្រុមហ៊ុន សហគ្រាស និងរោងចក្រចំនួន ៣ដែលបានចុះមកផ្ទាល់ និងមានឱកាសការងារចំនួន ៧៥០កន្លែង៕
ចែករំលែកព័តមាននេះ