ខេត្តកណ្តាល ៖ អគ្គិភ័យមួយបានឆាបឆេះ ផ្ទះម្តាយលោកមេភូមិព្រែកហូរលិចយ៉ាងសន្ធោសន្ធៅ ខ្ទេចគ្មានសល់ បង្កការភ្ញាក់ផ្អើលយ៉ាងខ្លាំងដល់បងប្អូនប្រជាពលរដ្ឋ និងសមត្ថកិច្ចជំនាញចុះមកធ្វើការអន្តរាគមន៍បាញ់ពន្លត់ ។ ហេតុការណ៍បង្កការភ្ញាក់ផ្អើលនេះបានកើតឡើងនៅវេលាម៉ោង ០៥…
ខេត្តកណ្តាល ៖ អគ្គិភ័យមួយបានឆាបឆេះ ផ្ទះម្តាយលោកមេភូមិព្រែកហូរលិចយ៉ាងសន្ធោសន្ធៅ ខ្ទេចគ្មានសល់ បង្កការភ្ញាក់ផ្អើលយ៉ាងខ្លាំងដល់បងប្អូនប្រជាពលរដ្ឋ និងសមត្ថកិច្ចជំនាញចុះមកធ្វើការអន្តរាគមន៍បាញ់ពន្លត់ ។
ហេតុការណ៍បង្កការភ្ញាក់ផ្អើលនេះបានកើតឡើងនៅវេលាម៉ោង ០៥ និង ០៣នាទីល្ងាច ថ្ងៃទី៣១ ខែកក្កដា ឆ្នាំ២០២៥ ចំណុចភូមិព្រែកហូរលិច សង្កាត់ព្រែកហូរ ក្រុងតាខ្មៅ ខេត្តកណ្ដាល ។
លោកវរៈសេនីយ៌ឯក យី វណ្ណដា អធិការដ្ឋាននគរបាលក្រុងតាខ្មៅ ឲ្យដឹងថាជនរងគ្រោះជាម្ចាស់ផ្ទះមានឈ្មោះ ស៊ឹម ផល្លី ភេទស្រី អាយុ៨២ឆ្នាំ មុខរបរ នៅផ្ទះ ជាម្តាយរបស់បង្កើតរបស់ (លោកមេភូមិព្រែកហូរលិច) មានទីលំនៅភូមិចំណុចកើត ស្ថិតនៅភូមិព្រែកហូរលិច សង្កាត់ព្រែកហូរ ក្រុងតាខ្មៅ ខេត្តកណ្ដាល ។
បើយោងតាមប្រភពព័ត៌មានពីលោកមេភូមិ ឈ្មោះ ឌឹម ចាន់ថន(កូនម្ចាស់ផ្ទះ) បានអោយដឹងថា ម្តាយរបស់គាត់មានស្មារតីរង្វេង នឹងតែងតែឧស្សាហ៍លោតបារ៉ែតភ្លើងជាញឹកញាប់ ប៉ុន្តែគាត់មិនបានចាប់អារម្មណ៍នោះ ក្រោយមកក៏រូបគាត់បាននាំម្តាយមកស្នាក់នៅជាមួយប្អូនៗ ដែលខាងកើតផ្ទះគាត់ ប្រហែល៣០០ម៉ែត្រ រួចក៏បានចាក់ផ្ទះទុកចោល ។
ស្រាប់តែមកដល់ថ្ងៃកើតហេតុខាងលើ មានបងប្អូនប្រជាពលរដ្ឋ ដែលរស់នៅនៅក្បែរផ្ទះកើតហេតុ បានឮសំឡេងផ្ទុះសេរខ្សែភ្លើង ចំនួនពីរ ទៅ បីដង រួចក៏គាត់បានដើរទៅមើល ក៏ឃើញផ្សែងខ្មៅលាយឡំ ជាមួយអណ្តាតភ្លើង ឆេះយ៉ាងសន្ធោរសន្ធៅ ចេញពីសសរកណ្ដាលនៃផ្ទះ បាត់ទៅហើយភា្លមៗ នោះគាត់បាននាំគ្នាស្រែកអោយអ្នកជិតខាងជួយបាញ់ទឹកពន្លត់ និងរត់ទៅប្រាប់លោកមេភូមិ ប៉ុន្តែដោយសារអំណាចភ្លើងឆេះសន្ធោសន្ធៅខ្លាំងពេក ទើបប្រញាប់ប្រញាល់រាយការណ៍ជូនសមត្ថកិច្ចជួយអន្តរាគមន៍ ។
បន្ទាប់ពីទទួលបានដំណឹងថាមានករណីអគ្គិភ័យឆាបឆេះផ្ទះ ប្រជាពលរដ្ឋភ្លាមៗ លោកឧត្តមសេនីយ៍ទោ ឈឿន សុចិត្ត ស្នងការនៃស្នងការដ្ឋាននគរបាលខេត្តកណ្តាល បានឲ្យ រថយន្តបង្ការអគ្គិភ័យពន្លត់ និង សង្គ្រោះចេញរថយន្តទៅជួយ អន្តរាគមន៍ពន្លត់អគ្គិភ័យផងដែរ ។
សូមបញ្ជាក់ផងដែលក្នុងករណីអគ្គិភ័យនេះបណ្តាលអោយ
ឆេះផ្ទះខ្ពស់ឈើប្រក់ស័ង្កសី ប្រវែង ០៧ ម៉ែត្រ x ០៦ ម៉ែត្រ ចំនួន១ខ្នង ខូតខាតទាំងស្រុង៩៥% , ម៉ូតូសណ្ដោងរម៉កចំនួន០១គ្រឿង , កំប៉ុងហ្គាសចំនួន០២ , សម្ភារៈផ្ទះបាយមួយចំនួនពូកនិងសម្លៀកបំពាក់មួយចំនួនធំ ។ នឹងបានប្រើប្រាស់រថយន្តពន្លត់អគ្គីភ័យ របស់ស្នងការដ្ឋាននគរបាលខេត្តកណ្ដាលចំនួន០២គ្រឿង ,រថយន្តពន្លត់អគ្គីភ័យរបស់ បញ្ជាការដ្ឋានអង្គរក្សចំនួន០១គ្រឿង ប្រើប្រាស់ទឹកសរុបចំនួន០៣គ្រឿង រលត់ជាស្ថាពរនៅវេលាម៉ោង ០៥ និង៥០ ល្ងាចថ្ងៃដដែល ។
ចំពោះមូលហេតុសមត្ថកិច្ចបានបញ្ជាក់ថា បណ្តាលមកពីឆ្លងចរន្តអគ្គិសនី(ផ្ទុះសេខ្សែភ្លើង) ៕
ចែករំលែកព័តមាននេះ