រាជធានីភ្នំពេញ ៖ ប្រទេសបារាំង បានអំពាវនាវឱ្យកម្ពុជា-ថៃ អនុវត្តបទឈប់បាញ់ប្រកបដោយប្រសិទ្ធភាព នេះបើតាមអ្នកនាំពាក្យក្រសួងការបទេស និងសហប្រតិបត្តិការអន្តរជាតិកម្ពុជា ។ ថ្លែងក្នុងសន្នីសីទសារព័ត៌មាន នារសៀលថ្ងៃទី២៩…
រាជធានីភ្នំពេញ ៖ ប្រទេសបារាំង បានអំពាវនាវឱ្យកម្ពុជា-ថៃ អនុវត្តបទឈប់បាញ់ប្រកបដោយប្រសិទ្ធភាព នេះបើតាមអ្នកនាំពាក្យក្រសួងការបទេស និងសហប្រតិបត្តិការអន្តរជាតិកម្ពុជា ។
ថ្លែងក្នុងសន្នីសីទសារព័ត៌មាន នារសៀលថ្ងៃទី២៩ ខែកក្កដា ឆ្នាំ២០២៥ ឯកឧត្តម ជុំ សុន្ទរី អ្នកនាំពាក្យក្រសួងការបទេសបានឲ្យដឹងថា យោងតាមសេចក្តីថ្លែងការណ៍របស់ស្ថានទូតបារាំងប្រទេសបារាំង វាយតម្លៃខ្ពស់ចំពោះការប្រកាសពីបទឈប់បាញ់ ដែលចូលជាធរមានចាប់ពីយប់ថ្ងៃចន្ទ ទី២៨ ខែកក្កដា និងការចាប់ផ្តើមកិច្ចសន្ទនា រវាងប្រទេសកម្ពុជា និងប្រទេសថៃ ក្រោយជំនួបរវាងនាយករដ្ឋមន្ត្រី នៃប្រទេសទាំងពីរ ដែលបានប្រព្រឹត្តទៅនៅប្រទេសម៉ាឡេស៊ី នៅថ្ងៃទី២៨ ខែកក្កដា ។
ឯកឧត្តមបានលើកឡើងថា ៖ ប្រទេសបារាំងអំពាវនាវឱ្យមានការអនុវត្តបទឈប់បាញ់ ប្រកបដោយប្រសិទ្ធភាព ។ ប្រទេសបារាំងវាយតម្លៃខ្ពស់ចំពោះតួនាទីសម្របសម្រួលរបស់លោកនាយករដ្ឋមន្ត្រីម៉ាឡេស៊ី អាន់វ៉ា អ៊ីប្រាហ៊ីម ក្នុងនាមជាប្រធានប្តូរវេនអាស៊ាន ហើយបារាំង សូមគូសបញ្ជាក់ជាថ្មី ពីការគាំទ្រដល់មជ្ឈភាពអាស៊ាន ក្នុងការដោះស្រាយជម្លោះនានាក្នុងតំបន់ ។
ការវិវត្តគួឱ្យកត់សម្គាល់នេះ គឺជាចំណុចចាប់ផ្តើម នៃការដោះស្រាយជម្លោះប្រកបដោយចីរភាព តាមមាគ៌ាសន្តិភាព ដោយផ្អែកលើច្បាប់អន្តរជាតិ។ ក្នុងន័យនេះ ប្រទេសបារាំង ត្រៀមខ្លួនជានិច្ច ក្នុងការរួមចំណែកដល់កិច្ចខិតខំប្រឹងប្រែងអន្តរជាតិ ជាពិសេសកិច្ចខិតខំប្រែងប្រែងរបស់អាស៊ាន ៕
ចែករំលែកព័តមាននេះ