ខេត្តកំពង់ស្ពឺ ៖ មានព័ត៌មានគួរឱ្យភ្ញាក់ផ្អើលមួយថា មានអ្នកទោស២នាក់បានលួចរត់ចេញពីពន្ធនាគារខេត្ត ខណៈមន្ត្រីពន្ធនាគារយាមកាមយ៉ាងយកចិត្តទុកដាក់ បែរជាឆកល្វែងឱ្យអ្នកទោសទាំង២នាក់នោះហែកគុកលួចរត់គេចខ្លួនបាន ។ ក្រោយពីមានហេតុការណ៍អ្នកទោសហែកគុករត់ ក៏ឃើញមានមន្ត្រីខាងអគ្គនាយកដ្ឋានពន្ធនាគារមកត្រួតពិនិត្យដែរ ប៉ុន្តែមន្ត្រីផ្លូវការបានលាក់លៀមព័ត៌មាន…
ខេត្តកំពង់ស្ពឺ ៖ មានព័ត៌មានគួរឱ្យភ្ញាក់ផ្អើលមួយថា មានអ្នកទោស២នាក់បានលួចរត់ចេញពីពន្ធនាគារខេត្ត ខណៈមន្ត្រីពន្ធនាគារយាមកាមយ៉ាងយកចិត្តទុកដាក់ បែរជាឆកល្វែងឱ្យអ្នកទោសទាំង២នាក់នោះហែកគុកលួចរត់គេចខ្លួនបាន ។
ក្រោយពីមានហេតុការណ៍អ្នកទោសហែកគុករត់ ក៏ឃើញមានមន្ត្រីខាងអគ្គនាយកដ្ឋានពន្ធនាគារមកត្រួតពិនិត្យដែរ ប៉ុន្តែមន្ត្រីផ្លូវការបានលាក់លៀមព័ត៌មាន មិនទាន់បានឱ្យដឹងនោះទេថា តើអ្នកទោសទាំង២នាក់គ្រាន់តែជាជនត្រូវចោទឬក៏ជាទណ្ឌិត ។
បើតាមប្រភពព័ត៌មានបង្ហើបឱ្យដឹងថា អ្នកទោសទាំង២នាក់នេះបានហែកគុកលួចរត់គេចខ្លួន កាលពីវេលារំលងអធ្រាត្រឈានចូលថ្ងៃ២៧ ខែកក្កដា ឆ្នាំ២០២៥កន្លងទៅ ។ ជាមួយនេះ គេក៏នៅមិនទាន់ស្គាល់ឈ្មោះអ្នកទោសទាំង២នាក់នេះ ថាជាប់ពាក់ព័ន្ធនឹងករណីបទល្មើសអ្វីនោះទេ ។ ប៉ុន្តែបើតាមប្រភពមិនផ្លូវការថា អ្នកទោសដែលហែកគុករត់នេះ បានត្រូវតុលាការកាត់ទោស១ករណីរួចហើយ និងនៅច្រើនករណីទៀត ស្រាប់តែនាំគ្នាហែកគុករត់គេចខ្លួនបាត់តែម្តង ។
ប្រភពព័ត៌មានបានបង្ហើបទៀតថា ក្រោយពីអ្នកទោសទាំង២នាក់ហែកគុករត់គេចខ្លួនទៅបាត់ គេក៏ឃើញមានមន្ត្រីអគ្គនាយកដ្ឋានពន្ធនាគារមកពិនិត្យដែរ ប៉ុន្តែលទ្ធផលនៃការអង្កេតស្រាវជ្រាវស្វែងរកអ្នកទោសហែកគុករត់ទាំង២នាក់ខាងលើនេះ ហាក់បីដូចជារាវរកម្ជុលនៅបាតសមុទ្រ ។
ពាក់ព័ន្ធនឹងករណីខាងលើនេះ អ្នកយកព័ត៌មានយើងបានសាកសួរទៅលោក ទីន សុវណ្ណនី ប្រធានពន្ធនាគារខេត្តដែរ ប៉ុន្តែទូរស័ព្ទចូល២ដង មិនមានអ្នកទទួល ៕
ចែករំលែកព័តមាននេះ