ខេត្តឧត្តរមានជ័យ ៖ ក្រោយពីបានរៀបចំកម្មវិធីដង្ហែរូបបដិមាព្រះវិស្ណុថ្លែងធ្នូសជិះលើខ្នងគ្រុឌ ចាកចេញពីខេត្តឧត្តរមានជ័យ ទៅកន្លែងដើមក្នុងខេត្តសៀមរាប កាលពីថ្ងៃទី៤ ឧសភា ឆ្នាំ២០២៦ កន្លងទៅ ពេលនេះ…
ខេត្តឧត្តរមានជ័យ ៖ ក្រោយពីបានរៀបចំកម្មវិធីដង្ហែរូបបដិមាព្រះវិស្ណុថ្លែងធ្នូសជិះលើខ្នងគ្រុឌ ចាកចេញពីខេត្តឧត្តរមានជ័យ ទៅកន្លែងដើមក្នុងខេត្តសៀមរាប កាលពីថ្ងៃទី៤ ឧសភា ឆ្នាំ២០២៦ កន្លងទៅ ពេលនេះ ក្រុមអាជ្ញាធរខេត្តឧត្តរមានជ័យ បានរៀបចំពិធីបញ្ចុះបឋមសិលាកសាងរង្វង់មូលដាក់រូបបដិមាព្រះគោព្រះកែវជំនួសវិញ កាលពីព្រឹកថ្ងៃទី៧ ឧសភា ឆ្នាំ២០២៦ ។
មន្ត្រីសាលាខេត្តបានឲ្យដឹងថា កាលពីអំឡុងថ្ងៃទី១០ ខែតុលា ឆ្នាំ២០១០ លោកប៉ិច សុខិន ជាអភិបាលខេត្តឧត្តរមានជ័យ បានដង្ហែចេញពីខេត្តសៀមរាប មកខេត្តឧត្តរមានជ័យ យកមកដាក់
ចំណុចសួនច្បារ ស្ថិតនៅមុខសាលាខេត្ត ដែលមានរយៈពេល១៦ឆ្នាំ ទើបដង្ហែវិលត្រឡប់ទៅទីកន្លែងដើមវិញ នៅថ្ងៃទី៤ ខែឧសភា ឆ្នាំ២០២៦ ។
ប្រជាពលរដ្ឋនៅក្នុងខេត្តឧត្តរមានជ័យបានរៀបរាប់ថា រូបបដិមាវិស្ណុជិះលើខ្នងគ្រុឌថ្លែងធ្នូស មានបារមី ប្រជាពលរដ្ឋមានជំនឿ និងតែងតែគោរពបួងសួងសុំសេចក្តីសុខសប្បាយ ។
ចែករំលែកព័តមាននេះ