រាជធានីភ្នំពេញ ៖ អ្នកនាំពាក្យក្រសួងការពារជាតិបានបញ្ជាក់ថា នៅក្នុងជំនួបពិភាក្សារវាងមេយុទ្ធភូមិភាគទី៤ កម្ពុជាជាមួយមេភូមិភាគទី១ថៃ ភាគីទាំងពីរបានព្រមព្រៀងឈប់បាញ់ មិនបន្ថែម កងទ័ព និងមានបញ្ហាផ្សេងៗត្រូវស្នើទៅថ្នាក់លើ។ លោកជំទាវឧត្តមសេនីយ៍ឯក…
រាជធានីភ្នំពេញ ៖ អ្នកនាំពាក្យក្រសួងការពារជាតិបានបញ្ជាក់ថា នៅក្នុងជំនួបពិភាក្សារវាងមេយុទ្ធភូមិភាគទី៤ កម្ពុជាជាមួយមេភូមិភាគទី១ថៃ ភាគីទាំងពីរបានព្រមព្រៀងឈប់បាញ់ មិនបន្ថែម កងទ័ព និងមានបញ្ហាផ្សេងៗត្រូវស្នើទៅថ្នាក់លើ។
លោកជំទាវឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិបានឲ្យដឹងក្នុង សន្និសីទសារព័ត៌មាន នៅថ្ងៃទី២៩ ខែកក្កដា ឆ្នាំ២០២៥ថា មេយុទ្ធភូមិភាគទី៤ និងមេភូមិភា គីទី១របស់បានជួបពិភាក្សាគ្នានៅវេលាម៉ោង៩ព្រឹក បានជួបគ្នារយៈពេលជាង១០នាទី នៅទីតាំងភូមិក្បាលស្ពានសង្កាត់ អូជ្រៅ ក្រុងប៉ោយប៉ែត ខេត្តបន្ទាយមានជ័យ។
ភាគីទាំងពីរបានឯកភាពគ្នាហើយបានចុះហត្ថលេខាយល់ព្រមមិនឱ្យមានបទឈប់បាញ់ ឈប់បង្កើនទ័ព ចៀសវាងការប្រឈមមុខដាក់គ្នា និងបង្កើនភាពតានតឹង ភ្ជាប់ទំនាក់ទំនង និងផ្តល់ ព័ត៌មានឱ្យគ្នាទៅវិញទៅមក បើសិនមានបញ្ហាអ្វីផ្សេង ក្រៅពីនេះត្រូវស្នើសុំយោបល់ទៅថ្នាក់លើ។
លោកជំទាវបានបញ្ជាក់ថា «អីចឹងភាគីទាំងពីរ បើមានបញ្ហាអ្វីផ្តោតលើកិច្ចប្រជុំផ្សេងៗទៀត ទៅដាក់កិច្ចប្រជុំគណៈកម្មការGBC»។ ចំពោះកិច្ចប្រជុំរបស់ភូមិភាគទី៤កម្ពុជា និងកិច្ចប្រជុំភូមិភាគទី២ មិនទាន់ទទួលបានលទ្ធផលនោះទេ។ ហើយកិច្ចប្រជុំភូមិភាគទី៣កម្ពុជា ជាមួយរដ្ឋានព្រំដែនច័ន្ទបុរីថៃ និងត្រាត ក៏មិនទាន់ទទួលបានរបាយការណ៍នោះដែរ។
ពាក់ព័ន្ធនឹងបទឈប់បាញ់គ្នារវាងកងកំលាំងទាំងពីរអ្នកនាំពាក្យក្រសួងការពារជាតិកម្ពុជាបានត្រូវបានបង្កើតយន្តការមួយកើតឡើង ដោយមានការជួបជាមួយអនុព័ន្ធយោធារបស់បណ្តាប្រទេស
នានាដែលដឹកនាំដោយប្រទេសម៉ាឡេស៊ី ជាប្រធានអាស៊ាន ដើម្បីនាំនូវប្រក្រតីភាពនៃទំនាក់ទំនងនៃប្រទេសទាំងពីរ ។ នៅក្នុងនោះ មានក្រុមអង្កេតការត្រូវបានបង្កើតឡើង ដើម្បីផ្ទៀងផ្ទាត់ និងអនុម័តពីបទឈប់បាញ់ ។
បើលោកជំទាវអ្នកនាំពាក្យបានលើកឡើងថា ប្រទេសម៉ាឡេស៊ីនឹងចូលចំណែកក្នុងការខិតខំសង្កេតការណ៍ដែលឆ្លុះបញ្ចាំងក្នុងកម្រិតតំបន់ដែលគាំទ្រសន្តិភាពនៅលើកដីជាក់ស្តែង ។ វត្ត
មានរបស់អ្នកទាំងអស់គ្នា បង្ហាញពីការប្តេជ្ញាចិត្តក្នុងការរក្សាសន្តិភាព ការសន្ទនា និងស្ថេរភាព ក្នុងតំបន់ ៕
ចែករំលែកព័តមាននេះ