ខេត្តបាត់ដំបង ៖ «ខ្មែរជួយខ្មែរ»ពងទាឆ្អិនជាង២.០០០គ្រាប់បន្ថែមនូវគ្រឿងឧបភោគ បរិភោគយ៉ាងច្រើនសន្ធឹកសន្ធាប់ទៀតផង ដែលបានមកពីសប្បុរសជននានាបាននិងកំពុងដឹកជញ្ជូនយកទៅចែកជូនកងទ័ពជួរមុខរបស់កម្ពុជានៅក្នុងទឹកដីខេត្តឧត្តមានជ័យនៅថ្ងៃទី២៩ កក្កដា ដែលដឹកនាំផ្ទាល់ដោយលោក សំ ភិរម្យ មេឃុំនរា…
ខេត្តបាត់ដំបង ៖ «ខ្មែរជួយខ្មែរ»ពងទាឆ្អិនជាង២.០០០គ្រាប់បន្ថែមនូវគ្រឿងឧបភោគ បរិភោគយ៉ាងច្រើនសន្ធឹកសន្ធាប់ទៀតផង ដែលបានមកពីសប្បុរសជននានាបាននិងកំពុងដឹកជញ្ជូនយកទៅចែកជូនកងទ័ពជួរមុខរបស់កម្ពុជានៅក្នុងទឹកដីខេត្តឧត្តមានជ័យនៅថ្ងៃទី២៩ កក្កដា ដែលដឹកនាំផ្ទាល់ដោយលោក សំ ភិរម្យ មេឃុំនរា ស្រុកសង្កែ ខេត្តបាត់ដំបង ។
លោក សំ ភិរម្យ មេឃុំនរា ដែលដឹកនាំស្បៀងអាហារផ្ទាល់ ជាមួយបងប្អូនសប្បុរសជនទៅកាន់សមរភូមិមុខនៅព្រឹកនេះបានប្រាប់ថា ពេលនេះ រូបលោកនិងបងប្អូនប្រជាពលរដ្ឋជាមួយនិងសប្បុរសជនរាប់សិបនាក់ផង បាននិងកំពុងដឹកជញ្ជូនជំនួយស្បៀងអាហារដ៏ច្រើនសន្ធឹកទាំងនេះទៅចែកជួនកងទ័ពជួរមុខ ដែលឈរជើងប្រចាំសមរភូមិនៅតាមបន្ទាត់ព្រំដែន ក្នុងភូមិសាស្ត្រ ខេត្តឧត្តមានជ័យ ។
លោកមេឃុំនរាបានប្រាប់ដែរថា នៅក្នុងជំនួយស្បៀងអាហារដ៏សន្ធឹកសន្ធាប់ទាំងនោះមាន«ពងទាស្ងោរឆ្អិនស្រាប់ជាង២.០០០គ្រាប់ ហើយនៅមានម្អូបអាហារមួយចំនួនទៀត បានចម្អិនរួចជាស្រេចតែម្ដង» ។ លោកថា នេះជាទឹកចិត្តដ៏ស្មោះសរបស់បងប្អូនប្រជាពលរដ្ឋខ្មែរ និងសប្បុរសជន ដែលបានគិតគូរពីការលំបាក និងព្រួយបារម្ភពីសុខទុក្ខរបស់កងទ័ពនៅក្នុងសមរភូមិមុខ ។
ពិតមែនតែជំនួយស្បៀងអាហារទាំងនេះ មិនគ្រប់គ្រាន់សម្រាប់កងទ័ពជូរមុខមែន តែនេះទឹកចិត្តដ៏ស្មោះត្រង់របស់បងប្អូនប្រជាពលរដ្ឋខ្មែរនៅជូរក្រោយក្រោមប្រធានបទ «ខ្មែរជួយខ្មែរ»ហើយក៏អាចដោះស្រាយបានមួយគ្រាដល់កង្វះខាតរបស់កងទ័ពអង់អាចក្លាហន ឈរជើងនៅសមរភូមិមុខរបស់កម្ពុជាយើង ៕
ចែករំលែកព័តមាននេះ