រាជធានីភ្នំពេញ ៖ ឯកឧត្តមទូច សុឃៈ អ្នកនាំពាក្យរងក្រសួងមហាផ្ទៃ បានឱ្យដឹងថា បុគ្គលណាលក់ខ្លួនឱ្យថៃដែលកំពុងឈ្លានពានកម្ពុជាជាជនក្បត់ជាតិ ទាំងនោះនឹងត្រូវ«ដកសញ្ជាតិខ្មែរ» ស្របតាមច្បាប់ជាធរមាន ។…
រាជធានីភ្នំពេញ ៖ ឯកឧត្តមទូច សុឃៈ អ្នកនាំពាក្យរងក្រសួងមហាផ្ទៃ បានឱ្យដឹងថា បុគ្គលណាលក់ខ្លួនឱ្យថៃដែលកំពុងឈ្លានពានកម្ពុជាជាជនក្បត់ជាតិ ទាំងនោះនឹងត្រូវ«ដកសញ្ជាតិខ្មែរ» ស្របតាមច្បាប់ជាធរមាន ។
តាមរយៈបណ្ដាញសង្គម នាថ្ងៃទី២៨ ខែកក្កដា ឆ្នាំ២០២៥ ឯកឧត្តមទូច សុឃៈ បានសេចក្ដីប្រកាសដំណឹងថា ដោយសង្កេតឃើញថា សមត្ថកិច្ចចាប់បានបុគ្គលមួយចំនួនជាបន្តបន្ទាប់ លក់ខ្លួនឱ្យប្រទេសថៃ ដែលកំពុងឈ្លានពានកម្ពុជាឯកឧត្តមសូមប្រកាសយ៉ាងដាច់អហង្កាថា សមត្ថកិច្ច នឹងមិនអត់ឪនឱ្យបុគ្គលទាំងឡាយណាដែលប្រព្រឹត្តិអំពើក្បត់ជាតិឯងដូចខាងក្រោម ៖ ១.ការត្រូវរ៉ូវគ្នាជាមួយបរទេស បង្កើតឱ្យមានការប្រទូសរ៉ាយ ឬនាំឱ្យមានអំពើឈ្លានពានកម្ពុជា ត្រូវផ្ដន្ទាទោសពី១៥ឆ្នាំ ទៅ៣០ឆ្នាំ ។
២.អំពើប្រគល់ ឬធ្វើឱ្យងាយស្រួលធ្លាក់ព័ត៌មានដល់ដៃបរទេស ត្រូវផ្ដន្ទាទោសពី៧ឆ្នាំ ទៅ១៥ឆ្នាំ ។ ៣.ការទទួល ឬប្រមូលផ្ដុំព័ត៌មានផ្សេងៗផ្ដល់ឱ្យបរទេសត្រូវផ្ដន្ទាទោស ពី៥ឆ្នាំទៅ១០ឆ្នាំ ។ ៤.ការប្រព្រឹត្តិអំពើហិ.ង្សានាំឱ្យគ្រោះថ្នាក់ដល់ស្ថាប័នរដ្ឋ ឬនាំឱ្យប៉ះពាល់ដល់បូរណភាពដែនដីកម្ពុជា ត្រូវផ្ដន្ទាទោស ពី១៥ឆ្នាំទៅ៣០ឆ្នាំ។
ឯកឧត្តមបានគូសបញ្ជាក់ថា «ក្រៅពីការផ្ទន្ទាទោសដូចខាងលើ គ្រប់ជនក្បត់ជាតិនឹងត្រូវ «ដកសញ្ជាតិខ្មែរ» ស្របតាមច្បាប់ជាធរមាន ។
យើងខ្ញុំសង្ឃឹមថា បងប្អូនមួយចំនួនដែលលង់ខ្លួនចា.ញ់ឧបាញកលរបស់បរទេសឈ្លានពាន ភ្ញាក់រលឹកមានមនសិការឡើងវិញ និងបញ្ឈប់ជាបន្ទាន់ រាល់អំពើក្បត់ជាតិដូចបានប្រកាសជូនខាងលើនេះ»៕
ចែករំលែកព័តមាននេះ