តារាសម្តែងនិងអតីតបេក្ខភាពបវរកញ្ញានាង ប៊ី សុធារី បានធ្វើការប្រកាសជាសាធារណៈថា នាងនឹងមិនជាន់ដីថៃអស់មួយជីវិត ហើយនឹងផ្តាំតកូនថែមទៀត បន្ទាប់ពីកម្ពុជាបានរងការឈ្លានពានពីថៃនៅតាមខ្សែបន្ទាត់ព្រំដែនរហូតកើតមានសង្គ្រាមយ៉ាងខ្លាំងក្លា ។ ប៊ី សុធារី…
តារាសម្តែងនិងអតីតបេក្ខភាពបវរកញ្ញានាង ប៊ី សុធារី បានធ្វើការប្រកាសជាសាធារណៈថា នាងនឹងមិនជាន់ដីថៃអស់មួយជីវិត ហើយនឹងផ្តាំតកូនថែមទៀត បន្ទាប់ពីកម្ពុជាបានរងការឈ្លានពានពីថៃនៅតាមខ្សែបន្ទាត់ព្រំដែនរហូតកើតមានសង្គ្រាមយ៉ាងខ្លាំងក្លា ។
ប៊ី សុធារី បានប្រកាសតាមរយៈសំណេរខ្លីនៅលើបណ្តាញសង្គមថា មួយជីវិតនេះស្បថឈប់ជាន់ដីសៀមមួយជីវិត ផ្ដាំទាំងកូនទៀត ។
តារាស្រីរូបនេះក៏បានបញ្ជាក់បន្ថែមទៅលើអ្វីដែលនាងបានសរសេរខាងលើនេះ តាមរយៈ
ខមមិនថា គោលបំណងរបស់នាងនាពេលនេះ គឺមិនញុះញ៉ុងនរណាម្នាក់ទេ តែនាងគ្រាន់តែចេះឈឺចេះចាំប៉ុណ្ណោះ ។
យ៉ាងណា សំណេររបស់ ប៊ី សុធារី នាពេលនេះ ក៏មានការគាំទ្រពីមហាជនផងដែរ ក្នុងពេលដែលសង្គ្រាមរវាងកម្ពុជា និងថៃដែលបានកើតឡើងនាពេលនេះ បានដាស់ស្មារតីកូនទូទាំងប្រទេសឲ្យមានការឈឺចាប់ពីការឈ្លានពានរបស់បរទេសនិងមានគំនិតជាតិនិយម ។
ជាការកត់សម្គាល់ក្នុងអំឡុងពេលមានជម្លោះតាមព្រំដែនរវាងកម្ពុជា និងថៃ នេះ ប៊ី សុធារី ក៏ដូចជាអ្នកសិល្បៈជាច្រើនទៀតបានចូលរួមយ៉ាងសស្រាក់ស្រស្រាំមិនថា តាមរយៈការគាំទ្រជាសម្លេងជួយកងទ័ពជួរ និងការងារមនុស្សនានានោះឡើយ ។
ជាក់ស្តែង កាលពីពេលថ្មីៗនេះ ប៊ី សុធារី បានបង្ហោះសំណេរយ៉ាងចាក់ដោតថា បើគេជេខ្ញុំ ខ្ញុំអាចទ្រាំបាន តែបើប៉ះជាតិ ឬប្រទេសមួយនេះ សុំទោសណា ខ្ញុំសុំជាតិនិយមបន្តិចហើយ។ ខ្ញុំសូមដឹងគុណចំពោះទឹកដីមួយនេះ សម្រាប់ការផ្ដល់កំណើតជាជាតិខ្មែរ ផ្ដល់កន្លែងជាទីជ្រកតាំងពីកើតមកដល់អាយុប៉ុននេះ ក្នុងនាម ជាកូនខ្មែរ ស្ម័គ្រថែជាតិ ថែទឹកដីមួយនេះ មិនថាតាមរយៈណាក៏ដោយ ។
ដោយឡែក ពាក់ព័ន្ធទៅនឹងបញ្ហាជាមួយប្រទះថៃនេះដែរ កន្លង ប៊ី សុធារី ក៏បានប្រកាសមិនទៅចូលរួមនៅក្នុងការប្រកួត Miss Grand ឆ្នាំ២០២៤ ដែលរៀបចំនៅប្រទេសថៃនោះឡើយ បន្ទាប់ពីកើតមានភាពចម្រូងចម្រាស់រវាងអ្នកគ្រប់គ្រង់ស្ថាប័នជាជាតិថៃ និងអ្នករៀបចំនៅកម្ពុជា ។
បើទោះបីជាភាពចម្រូងចម្រាស់នេះគឺកើតឡើងត្រឹមស្ថាប័ន និងស្ថាប័នក៏ដោយ ប៉ុន្តែរឿងរ៉ាវមួយនេះ បានក្លាយជាប្រធានបទយ៉ាងក្តីគគុកនៅក្នុងការវាយប្រហារគ្នាទៅវិញទៅមកតាមបណ្តាញសង្គមរវាងអ្នកគាំទ្រនៅកម្ពុជា និងថៃ ។
ជុំវិញបញ្ហានេះដើម្បីបញ្ចប់ និងសាងភាពស្អាតស្អំសម្រាប់ខ្លួន កញ្ញា ប៊ី សុធារី និងលោកស្រី អ៊ឹម សុគន្ធា អ្នកគ្រប់គ្រង់ស្ថាប័ន Miss Grand Cambodia ២០២៤ ក៏បានមុខរៀបចំសន្នីសីទសារព័ត៌មានដ៏ធំមួយនៅថ្ងៃទី ០៩ ខែ តុលា ឆ្នាំ២០២៤។
នៅក្នុងសន្និសីទសារព័ត៌មានោះ កញ្ញា ប៊ី សុធារី ដែលជាបេក្ខភាពតំណាង កម្ពុជា ចូលរួមប្រកួត Miss Grand International ឆ្នាំ២០២៤ បានគូសបញ្ជាក់ច្បាស់ៗថា នាងមិនសោកស្តាយនោះទេ ដែលមិនបានចូលរួមប្រកួតក្នុងកម្មវិធីមួយនោះ ដោយសារនាងស្រឡាញ់ និងមានឈាមជ័រជាខ្មែរពិតៗ ៕
ចែករំលែកព័តមាននេះ